هەرکەسێک بڵێت: ڕازیم بەوەى ( الله ) پەروەردگارم بێت، ئیسلام ئاینم بێت، وموحەمەد پێغەمبەرم بێت؛ ئەوا چوونە بەهەشت بۆ ئەو کەسە مسۆگەر دەبێت

هاندان بۆ ووتنی ئەم نزایە، وڕوونكردنەوەی پاداشت لەسەر ووتنی.
ڕازی بوون بە الله وەكو پەروەردگار؛ وا لە خۆدەگرێت كە بەندە جگە لە الله -سبحانه وتعالی- هیچ یەكێكی تر نەپەرستێت.
ڕازی بوون بە موحەمەد -صلى اللە علیە وسلم- وەكو پێغەمبەر ونێردراو؛ وا لەخۆ دەگرێت كە گوێڕایەڵی بكرێت وملكەچی سونەتەكەی بین.
ڕازی بوون بەوەی ئیسلام ئاینمان بێت؛ وا لە خۆدەگرێت كە ڕازی بین بەوەی الله هەڵیبژاردووە بۆ بەندەكانی.
سونەتە ئەم نزایە بووترێت لە پاش بیستنی هەردوو شاهێدی دانەكە لە كاتی بانگدا؛ هەروەكو لە گێڕانەوەكانی تردا هاتووە.
هەروەها لە فەرموودەیەكی تردا هاتووە: سونەتە ئەم نزایە بڵێت لە بەیانی وئێوارەدا.