ئەگەر قورس وناڕەحەت نەبوایە لە سەر ئیمانداران -یان: لەسەر ئومەتەکەم-؛ ئەوا فەرمانم پێیان دەکرد بە سیواک کردن لە پێش هەموو نوێژێکدا

نەرمونیانی وبەزەیی پێغەمبەر -صلى اللە علیە وسلم- بە ئومەتەکەى، وترسی لەوەی ئەركەكانیان لەسەر قورس بێت.
بنچینە لە فەرمانی پێغەمبەر -صلى اللە علیە وسلم- واجبێتیە، مەگەر بەڵگەیەك هەبێت لەسەر ئەوەی سوننەتە.
فەزڵ وسوننەتی سیواک کردن لەپێش دەستپێكردنی هەموو نوێژێك.
ئیبن دەقیقی عید دەڵێت: دانایی لە سوننەتی سیواك كردن لەكاتی هەستان بۆ دەستپێكردنی نوێژ؛ حاڵەتی نزیكبوونەوەیە لە الله، بۆیە دەبێت ڕێك وپاك بێت وڕێزداری پەرستن دەربخات.
فەرموودەکە بەشێوەیەکی گشتی سیواك كردن بۆ ڕۆژووگریش دەگرێتەوە، ئەگەرچیش لەپاش کاتی زەوال -ناوەڕاستی نیوەڕۆ- بێت؛ بۆ نوێژەكانی: نیوەڕۆ وعەسر.