لە ئوممەتانی پێش ئێوە کەسێک هەبوو برینێکی پێوە بوو، وئارامی نەگرت لەسەر ئازاری برینەکەی، بۆیە چەقۆیەکی هەڵگرت، وکردی بە برینەکەی دەستیدا، وخوێنی بەربوو، وەفاتی کرد ومرد، الله فەرمووی: بەندەکەم ئارامی نەگرت وخۆی تیابرد، وبەهەشتم لەسەر حەرام کرد

فەزڵ وگەورەیی ئارام گرتن لەسەر ناڕەحەتییەکان، وازهێنان لە بێزاری دەربڕین لەسەر ناڕەحەتییەکان بۆئەوەی نەبێتە هۆکاری توشبوون بە شتانێکی سەختتر.
باسی ئوممەتانی پێش خۆمان خێر وپەندی تێدایە بۆ ئێمە.
ئیبن حەجەر دەڵێت: لەم فەرموودەیەدا سوودی ئەوەی تێدایە کە دەبێت لە سنووری مافی الله ڕابوەستین، وئاماژەیە بۆ ڕەحمەتی الله بە بەندەکان كە حەرامی کردووە لەسەریان خۆیان بكوژن چونكە نەفس موڵکی الله یە وبەس.
حەرامبوونی ئەو هۆکارانەی خەڵک تووشی خۆكوشتن دەكەن، وهەڕەشەی توند لەسەری.
ئیبن حەجەر دەڵێت: لەم فەرموودەیەدا دیارە ئەو کەسەی چەقۆکەی کردووە بە برینەکەیدا ویستی خۆکوژی بووە؛ نەک ویستی چارەسەر بووبێت لەم كارە چونكە زۆر جار گومان وایە سوودی لێوەردەگیرێت.