زه‌لامه‌كی پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ كریارا ئیسلامێ باشتره‌؟ گۆت: ((تو خوارنێ بده‌ی و سلاڤ كه‌یه‌ وی كه‌سێ تو دنیاسی و یێ تو نەنیاسی))

خه‌مخورییا صه‌حابییان ل سه‌ر زانین و نیاسینا وان كریارێن د دونیا و ئاخره‌تێدا مفای دگه‌هیننه‌ مرۆڤی.
سلاڤكرن و دانا خوارنێ ژ باشترین كارانه‌ د ئیسلامێدا، ئه‌ڤه‌ ژی ژ به‌ر خێرا وان و پێدڤیبوونا خه‌لكی ب وان د هه‌می ده‌ماندا.
ب ڤان هه‌ردوو ڕه‌وشتان؛ چاككاری (ئیحسان) ب ئاخڤتن و كریار پێكڤه‌ كۆم دبیت و ئه‌ڤه‌ ژی ته‌مامترین جۆرێ (ئیحسانێیه)‌.
ڤان ڕه‌وشتان‌ په‌یوه‌ندی ب سه‌ره‌ده‌ریكرنا موسلمانان د گه‌ل ئێك هه‌یه‌، هنده‌ك ڕه‌وشتێن دی ژی هه‌نه‌ تایبه‌تن ب سه‌ره‌ده‌ریكرنا عه‌بدی د گه‌ل خودایێ خۆ.
ده‌ستپێكرنا سلاڤێ ب تنێ بۆ موسلمانانه‌ و ده‌ستپێكێ سلاڤی كافران ناهێته‌ كرن.