((ئوممه‌تا من هه‌می دێ چنه‌ به‌حه‌شتێ، ئه‌و نه‌بیت یێ نه‌ڤێت بچیت

پێغەمبەر (صەلات و سەلامێن خودێ ل سەر بن) به‌حس دكه‌ت كو ئوممه‌تا وی هه‌می دێ چنه‌ به‌حه‌شتێ، ئه‌و نه‌بیت یێ ڕازی نه‌بیت و نه‌ڤێت بچیت!

ئینا صه‌حابییان (خودێ ژ هه‌مییان ڕازی بیت) گۆت: ئه‌ی پێغه‌مبه‌رێ خودێ؛ ئه‌رێ ما كه‌سه‌ك هه‌یه‌ ب ڤێ چه‌ندێ ڕازی نه‌بیت و نه‌ڤێت بچیت؟!

ئینا پێغەمبەرێ خودێ (صەلات و سەلامێن خودێ ل سەر بن) به‌رسڤا وان دا و گۆتێ: هه‌ر كه‌سێ سه‌رچه‌مییای و دویڤچوون و گوهدارییا پێغەمبەرێ خودێ (صەلات و سەلامێن خودێ ل سەر بن) بكه‌ت؛ دێ چیته‌ به‌حه‌شتێ، به‌لێ هه‌ر كه‌سێ سه‌رپێچییا وی بكه‌ت و سه‌رچه‌مییای نه‌بیت بۆ شه‌ریعه‌تێ وی؛ ئه‌ڤه‌ ئه‌و ڕازی نه‌بوو و نه‌ڤیا بچیته‌ به‌حه‌شتێ ژ به‌ر كارێن خۆ یێن خراب.