তোমালোকে সৰু সুৰা পাপ কৰ্মকো বৰ্জন কৰা

উদাহৰণৰ জৰিয়তে কোনো এটা বিষয় ভালকৈ বুজাই দিয়াটো আছিল নবী চাল্লাল্লাহু আলাইহি অছাল্লামৰ নীতি, যাতে বিষয়টো স্পষ্ট হয় আৰু উত্তমৰূপে বুজিব পৰা যায়।
সৰু সুৰা তথা তুচ্ছ গুনাহৰ পৰা সতৰ্ক কৰা হৈছে। লগতে ইয়াৰ পৰা যিমান সোনকালে পৰা যায় তাওবা কৰিবলৈ উৎসাহিত কৰা হৈছে।
সৰু সুৰা গুনাহবোৰক তিনিটা ভাগত বিভক্ত কৰিব পাৰি। প্ৰথমঃ বান্দাই যিবোৰ গুনাহক সৰু সুৰা গুনাহ বুলি ভাবি কাৰ্যকৰী কৰে, অথচ সেইটো আল্লাহৰ দৃষ্টিত ডাঙৰ গুনাহ। দ্বিতীয়ঃ মানুহে যিবোৰ সৰু গুনাহ কৰে সেইবোৰৰ প্ৰতি ভ্ৰূক্ষেপ নকৰে আৰু তাওবা নকৰে। ফলত এইবোৰ সৰু সৰু গুনাহবোৰ জমা হৈ এটা স্তূপত পৰিণত হয়, আৰু অৱশেষত তাৰ বাবে ধ্বংস মাতি আনে। তৃতীয়ঃ মানুহে কৰা সৰু গুনাহবোৰক সিহঁতে ভ্ৰূক্ষেপ নকৰি তুচ্ছ জ্ঞান কৰে, ফলত এইবোৰ ধ্বংসাত্মক ডাঙৰ গুনাহত পতিত হোৱাৰ কাৰণ হৈ পৰে।