ሰዎች በውስጧ አላህን ያላወሱበትን መሰባሰብን (ጨርሰው) አይነሱም። የአህያ ሬሳ (በልተው) እንደሚሄዱ እና (በስብሰባው አላህን ባለማውሳታቸው) በእነርሱ ላይ ጸጸት (ቁጭትን) ቢሆንባቸው እንጂ።

አላህን ከማውሳት በመዘናጋት ዙሪያ የተጠቀሰው ማስፈራሪያ በመቀመጫ ስፍራዎች ላይ ብቻ የተገደበ አይደለም። ይልቁንም ሌሎችንም ሁኔታዎች ያጠቃልላል። ነወዊ እንዲህ ብለዋል "አንድ ስፍራ ላይ የተቀመጠ ሰው ያንን ስፍራ አላህን ሳያወሳበት መለየቱ ይጠላል።"
የትንሳኤ ቀን እነርሱ የሚያጋጥማቸው ቁጭት ወይ ወቅቱን አላህን በማምለክ ሳይጠቀሙበት ምንዳና አጅር ስላመለጣቸው ነው። ወይም ደግሞ ወቅቱን አላህን በማመፅ ስላሳለፉት ወንጀል በመስራታቸውና በቅጣቱ ነው።
ይህ ማስፈራሪያ የመጣው ይህ ዝንጉነት በሚፈቀዱ ነገሮች የተከሰተ ጊዜ ከሆነ ነው። በሀሜት፣ ሰውና ሰውን በማጣላትና ሌሎችም ክልክል የሆኑ ነገሮች የሚሰራባቸው ክልክል አቀማመጦችስ እንዴት ይሆኑ?!