አንድ ባሪያ የአንድን ባሪያ ነውር በዱንያ አይሸፍንም፤ የትንሳኤ ቀን አላህ ነውሩን የሚሸፍንለት ቢሆን እንጂ።

አንድ ሙስሊም ወንጀል በሰራ ጊዜ ከማውገዝ፣ ከመምከር፣ አላህን እንዲፈራ ከመገሰፅ ጋር ወንጀሉንም መሸሸግ እንደተደነገገ እንረዳለን። ወንጀልና አመፅን በግልፅ የሚሰሩ የጥፋትና ብልሽት ባለቤት ከሆኑ ግን ለነርሱ ወንጀላቸውን መሸሸግ ተገቢ አይደለም። ለነርሱ መሸሸግ የበለጠ ለወንጀል ያደፋፍራቸዋል። ስማቸውን መጥራት እንኳ አስፈላጊ ከሆነ እነርሱ ወንጀሉንና አመፁን ግልፅ ያወጡ ስለሆኑ የነርሱ ጉዳይ የሚወሰደው ወደ መሪዎች ነው።
የሌሎችን ስህተት በመሸሸግ መነሳሳቱን እንረዳለን።
ከመሸሸግ ጥቅሞች መካከል: ወንጀለኛ ነፍሱን እንዲገመግምና ወደ አላህ እንዲመለስ የጥሞና ጊዜ መስጫ ነው። ነውርንና እንከንን ግልፅ ማውጣት ፀያፍን ከማሰራጨት የሚመደብ ነውና። ነውርን ማሰራጨት ማህበራዊ ድባብንም ያበላሻል፤ ሌሎችም ነውሩን እንዲሰሩት ያነሳሳል።