ku tabax jàkka ngir Yàlla Yàlla dana ko tabaxal ca àjjana lu mel ni moom

Usmaan Ibn Affaan -yal na ko Yàlla dollee gërëm- dafa bëggoon a tabaxaat jàkkay Yonnente bi -yal na ko Yàlla dolli xéewal ak mucc- ci anam gu gën a rafet tabax bu njëkk ba, nit ñi bañ loolu; ndax la ca nekk ci soppi melokaan bañu ko tabexe woon ca jamonoy Yonnente bi -yal na ko Yàlla dolli xéewal ak mucc-, jàkka ja nag dañu koo tabaxe woon ci ban, ab xaddam nekkoon ay xobi tàndarma, waaye Usmaan da koo bëggoon a tabaxe ay móol ak laso, Usmaan -yal na ko Yàlla dollee gërëm- xibaar leen ne dégg na Yonnente bi -yal na ko Yàlla dolli xéewal ak mucc- mu wax ne: ku tabax jàkka ngir sàkku ngërëmal Yàlla mu kawe mi, du ngir ngistal mbaa ndéggtal, Yàlla dana ko fay ngën gi fay, te fay gi mooy Yàlla tabaxal ko lu mel ni moom ca àjjana.