HadeethEnc · 1.20.0
Ким икки «салқин» намозни ўқиса, жаннатга киради», дедилар
Available translations
Choose an available translation of this Hadeeth
01
Hadeeth text
Абу Мусо Ашъарий разияллоҳу анҳудан ривоят қилинади: «Расулуллоҳ соллаллоҳу алайҳи ва саллам: «Ким икки «салқин» намозни ўқиса, жаннатга киради», дедилар».
02
Explanation
Пайғамбаримиз соллаллоҳу алайҳи ва саллам «икки салқин вақтдаги намоз»га, яъни бомдод ва аср намозларига алоҳида аҳамият беришга тарғиб қилдилар. Кимда-ким бу икки намозни ўз вақтида, жамоат билан ва барча ҳақларини адо этган ҳолда ўқиса, бу намозлар унинг жаннатга киришига сабаб бўлиши ҳақида хушхабар бердилар.
03
Benefits
Бомдод ва аср намозларини мунтазам ўқишнинг фазли. Чунки бомдод вақти уйқу энг ширин бўлган пайтга, аср вақти эса инсоннинг ишлари билан энг машғул бўлган пайтига тўғри келади. Кимда-ким шу икки намозга муҳофаза қилса (ўз вақтида ўқиса), демак, бошқа намозларга ҳам яхшироқ муҳофаза қилади.
Бомдод ва аср намозлари «Бардайн» (икки салқин вақт намози) деб номланди. Чунки бомдод намозида туннинг салқини, аср намозида эса куннинг салқини бўлади. Гарчи аср вақти иссиқ бўлса-да, у ўзидан олдинги вақтдан (пешиндан) кўра енгилроқдир. Ёки бундай номланиши «тағлиб» (ғолиб томонни қўллаш) бобидандир, худди қуёш ва ойга нисбатан «икки ой» (ал-қомароони) дейилгани каби.
Бомдод ва аср намозлари «Бардайн» (икки салқин вақт намози) деб номланди. Чунки бомдод намозида туннинг салқини, аср намозида эса куннинг салқини бўлади. Гарчи аср вақти иссиқ бўлса-да, у ўзидан олдинги вақтдан (пешиндан) кўра енгилроқдир. Ёки бундай номланиши «тағлиб» (ғолиб томонни қўллаш) бобидандир, худди қуёш ва ойга нисбатан «икки ой» (ал-қомароони) дейилгани каби.
Attribution
[Муттафақун алайҳ]
Categories
Share
Share hadeeth
Sharing options · 0 Total shares