{May isang lalaki na nagtanong sa Propeta (basbasan siya ni Allāh at pangalagaan) kung aling gawain sa Islām ang pinakamabuti. Nagsabi siya: "Magbigay ka ng pagkain at bumigkas ng pagbati sa sinumang nakilala mo at sa sinumang hindi mo nakilala."}

Ang sigasig ng mga Kasamahan sa pag-alam sa mga kakanyahan na nagpapakinabang sa Mundo at Kabilang-buhay.
Ang pagbati at ang pagbibigay ng pagkain ay kabilang sa pinakamainam sa mga gawain sa Islām dahil sa kainaman ng mga ito at pangangailangan ng mga tao sa mga ito sa bawat sandali.
Sa pamamagitang ng dalawang kakanyahang ito, natitipon ang paggawa ng maganda sa pagsasabi at paggawa. Ito ay ang pinakakumpletong paggawa ng maganda.
Ang mga kakanyahang ito ay sa nauugnay sa pakikitungo ng mga Muslim sa isa't isa sa kanila. May mga kakanyahan sa pakikitungo ng tao sa Panginoon niya.
Ang pagsisimula ng pagbati ng kapayapaan ay itinangi sa mga Muslim. Kaya hindi magsisimula ng pagbati ng kapayapaan sa isang tagatangging sumampalataya.