Huwag kayong magpasimula sa mga Hudyo at mga Kristiyano ng pagbati; kaya kapag nakatagpo kayo ng isa sa kanila sa daan, mamilit kayo sa kanya tungo sa pinakamasikip nito."}

Hindi pinapayagan sa Muslim na magpasimula ng pagbati ng kapayapaan sa isa sa mga Hudyo, mga Kristiyano, at iba pa sa kanila kabilang sa mga tagatangging sumampalataya.
Pinapayagan ang pagganti ng pagbati ng kapayapaan sa kanila kung sila ay nagpasimula ng pagbati ng kapayapaan sa pamamagitan ng pagsabi ng: "Wa-`alaykum (At sumainyo)."
Hindi pinapayagan sa Muslim na manadya sa pagperhuwisyo sa tagatangging sumampalataya sa pamamagitan ng pagpapasikip dito nang sadyaan nang walang isang tagapag-obliga upang mapilitan ito papunta sa pinakamasikip na bahagi ng daan; subalit kung ang daan ay masikip o puno, ang Muslim ay higit na karapat-dapat doon at ang tagatangging sumampalataya ay magpapakagilid palayo sa kanya.
Ang paglalantad ng dangal ng Muslim at pagkahamak ng iba nang walang kawalang-katarungan o kabastusan sa pananalita.
Ang pagpapasikip sa mga tagatangging sumampalataya ay dahilan sa taglay nila na kawalang-pananampalataya kay Allāh (napakataas Siya). Iyon ay maaaring maging isang kadahilanan sa pag-anib nila sa Islām para maligtas sila mula sa Impiyerno kapag nagsanhi sa kanila iyon sa pag-alam sa kadahilanan.
Walang masama na magsabi ang Muslim sa tagatangging sumampalataya bilang pagpapasimula: "Kumusta ka" o "Magandang umaga" o "Magandang gabi" at tulad niyon kapag nanawagan ang pangangailangan doon dahil ang pagsaway ay pumapatungkol sa pagbati ng kapayapaan.
Nagsabi si Aṭ-Ṭaybīy: Ang napiling opinyon ay na ang tagagawa ng bid`ah ay hindi sisimulan ng pagbati ng kapayapaan. Kung sakaling bumati sa sinumang hindi nakikilala saka lumitaw na isang dhimmīy o isang tagagawa ng bid`ah pala, magsasabi: "Bumabawi ako ng pagbati ko ng kapayapaan" bilang paghamak sa kanya.