{Nagtagubilin sa akin ang kaibigang matalik ko (basbasan siya ni Allāh at pangalagaan) ng tatlo: pag-aayuno ng tatlong araw sa bawat buwan, dalawang rak`ah ng [salah na] ḍuḥā, at na magsagawa ako ng [salah na] witr bago ako matulog.}

Ang pagkakaiba-iba ng mga tagubilin ng Propeta (basbasan siya ni Allāh at pangalagaan) sa mga Kasamahan niya ay nakabatay sa kaalaman niya (basbasan siya ni Allāh at pangalagaan) hinggil sa mga kalagayan ng mga Kasamahan niya at kung ano ang nababagay sa bawat isa kabilang sa kanila sapagkat ang malakas ay nababagay sa kanya ang pakikibaka, ang palasamba ay nababagay sa kanya ang pagsamba, ang tagaalam ay nababagay sa kanya ang kaalaman, at ang gayon.
Nagsabi si Ibnu Ḥajar Al-`Asqalānīy kaugnay sa sabi nito na "pag-aayuno ng tatlong araw sa bawat buwan," na ang lumilitaw ay na ang tinutukoy sa mga ito ay ang mga puting araw: ang araw ng ika-13, ika-14, at ika-15 ng buwang hijrah.
Nagsabi si Ibnu Ḥajar Al-`Asqalānīy: Nasaad dit ang pagsasakaibig-ibig ng pag-uuna ng salah na witr sa pagtulog. Iyon ay sa panig ng sinumang hindi nagtitiwala na magising.
Ang kahalagahan ng tatlong gawaing ito dahil ng tagubilin ng Propeta (basbasan siya ni Allāh at pangalagaan) sa mga ito sa isang bilang ng mga Kasamahan niya.
Nagsabi si Ibnu Daqīq Al-`Īd kaugnay sa sabi nito na "dalawang rak`ah ng [salah na] ḍuḥā": Marahil siya ay bumanggit ng pinakakaunti na naroroon ang pagbibigay-diin sa paggawa niyon. Dito ay may isang katunayan sa pagsasakaibig-ibig sa salah na ḍuḥā at na ang pinakakaunti nito ay dalawang rak`ah.
Ang oras ng salah na ḍuḥā ay mga 15 minuto mula sa pagkasikat ng araw. Umaabot ang oras nito hanggang sa mga 10 minuto bago magtanghali. Ang bilang nito ay dalawang rak`ah ang pinakakaunti. Nagkaiba-iba hinggil sa pinakamarami nito sapagkat may sinabing 8 rak`ah at may sinabi ring walang hangganan sa pinakamarami nito.
Ang oras ng salah na witr ay mula sa matapos ng salah na `ishā' hanggang sa pagsapit ng madaling-araw. Ang pinakakaunti nito ay isang rak`ah at ang pinakamarami nito ay 11 rak`ah.