“ఎవరైతే “లా ఇలాహ ఇల్లల్లాహ్” (అల్లాహ్ తప్ప ఆరాధనలకు అర్హుడైన నిజ ఆరాధ్యుడు ఎవరూ లేరు) అని ఉచ్ఛరిస్తాడో, మరియు అల్లాహ్ తప్ప ఆరాధించబడే ప్రతిదానినీ నిరసిస్తాడో (అవిశ్వసిస్తాడో), అతని సంపద, మరియు అతని రక్తము (మిగతా విశ్వాసుల కొరకు) హరాం (నిషేధము) అవుతాయి. అతని లెక్క, పత్రము అల్లాహ్ వద్ద ఉంటుంది (అల్లాహ్ చూసుకుంటాడు అని అర్థము)

ఇస్లాం స్వీకరించి దానిలోనికి ప్రవేశించడానికి ప్రధాన షరతు (Condition) ఏమిటంటే “లా ఇలాహ ఇల్లల్లాహ్” అని (మనస్పూర్తిగా నమ్ముతూ, నాలుకతో ఉచ్ఛరిస్తూ) సాక్ష్యము పలుకుట, మరియు అల్లాహ్ ను తప్ప ఆరాధించబడే ప్రతి దానినీ నిరసించుట.
“లా ఇలాహ ఇల్లల్లాహ్” (అల్లాహ్ తప్ప నిజ అరాధ్యూడెవరూ లేరు) యొక్క అర్థములోనే, ఆయనను తప్ప ఆరాధించబదే ప్రతి దానినీ నిరసించడం (అవిశ్వసించడం) ఉన్నది, అంటే ఉదాహరణకు: శిల్పాలు, బొమ్మలు, సమాధులను పూజించడం వగైరా.
ఎవరైతే “తౌహీదు” ను (అంటే కేవలం అల్లాహ్ ను మాత్రమే ఆరాధించుటను) మరియు దానికి సంబంధించిన నియమాలను, చట్టాలను బాహ్యంగా అంటిపెట్టుకుని ఉంటాడో, ఆ విధంగా ఉండడం అతని కొరకు విధి అయిపోతుంది – దానికి వ్యతిరేకంగా అతని నుండి మరింకే ఆచరణ ప్రస్ఫుటం కానంత వరకు.
ఇస్లామీయ చట్టము ప్రకారము తప్ప, ఒక ముస్లిం యొక్క సంపద మరియు అతని రక్తము మిగతా విశ్వాసుల కొరకు హరాం (నిషేధము).
ఈ ప్రపంచములో తీర్పు (నిర్ణయం) బాహ్యంగా ప్రస్పుటమయ్యే విషయాల ఆధారంగానే ఉంటుంది. తీర్పుదినమున సంకల్పాలను అనుసరించి మరియు అతని లక్ష్యాలను అనుసరించి ఉంటుంది.