గాలిని దూషించకండి (తిట్టకండి). మీకు ఇష్టము లేని గాలి (ఉదాహరణకు — బలమైన తుఫాను, గాలి దుమారము వంటిది) చూస్తే, ఇలా వేడుకోండి: ‘ఓ అల్లాహ్! ఈ గాలిలో ఉన్న మంచి కోసం, అది తీసుకొచ్చే మంచి కోసం, మరియు ఈ గాలి ద్వారా ఆజ్ఞాపించబడిన మంచి కోసం మేము నిన్ను వేడు కుంటున్నాము. ఈ గాలిలో ఉన్న దుష్టత (చెడుల) నుండి, అది తీసుకొచ్చే చెడు నుండి, మరియు ఈ గాలి ద్వారా ఆజ్ఞాపించబడిన చెడు నుండి మేము నీ శరణు వేడు కుంటున్నాము

గాలిని తిట్టకూడదని వారించబడింది, ఎందుకంటే అది అల్లాహ్ సృష్టించిన సృష్టి (ఖల్క్) మరియు ఆయన ఆజ్ఞకు లోబడి పనిచేస్తున్నది. అందువల్ల, గాలిని తిడితే — అది నిజానికి దానిని సృష్టించినవాడైన అల్లాహ్‌ను తిడటమే అవుతుంది. ఇది తౌహీద్ (అల్లాహ్ ఏకైకుడు అనే విశ్వాసం) లో లోపానికి సూచన.
అల్లాహ్ వైపు మరలడం మరియు ఆయన సృష్టించిన చెడు నుండి ఆయన వద్ద శరణు కోరడం."
గాలి (వాయువు) ఎప్పుడూ అల్లాహ్ ఆజ్ఞ మేరకే ఉంటుంది – అది మంచికి కూడా పనికొస్తుంది, చెడుకి కూడా.
ఇబ్ను బాజ్ (రహిమహుల్లాహ్) అన్నారు: "గాలిని దూషించడం (అంటే తిట్టడం లేదా శాపనార్థ మాటలు పెట్టడం) అనేది పాపాలలో ఒక పాపం; ఎందుకంటే అది కూడా ఒక సృష్టి. అల్లాహ్ దానిని తను చిత్తమొచ్చిన విధంగా మంచి కోసమైనా లేదా చెడు కోసమైనా పంపిస్తాడు. కాబట్టి గాలిని దూషించడం అనుమతించబడలేదు. అంటే ఇలా చెప్పకూడదు: 'ఓ అల్లాహ్! గాలిని శపించుగాక' (లాఅన అల్లాహు ర్రీహన్), లేదా 'ఈ గాలిని అల్లాహ్ నాశనం చేయుగాక' (ఖాతల అల్లాహుర్రీహన్), లేదా 'ఈ గాలిలో అల్లాహ్ ఆశీర్వాదం లేదు' (లా బారకల్లాహు ఫీ హాథిహిర్రీహన్), లేదా వాటితో సారూప్యమైన మాటలు అనడం క్షమించబడదు. బదులుగా, ఓ ముస్లిం విశ్వాసి ప్రవక్త సల్లల్లాహు అలైహి వసల్లం సూచించిన విధంగా ప్రవర్తించాలి."
గాలిని దూషించే పదాలను నిషేధించినట్లే, అల్లాహ్ సృష్టించిన మరియు ఆయన తన చిత్తానుసారం నడిపించే ఇతర ప్రకృతి స్థితులను — ఉదాహరణకు తీవ్రమైన వేడి (ఉష్ణత), చలి, సూర్యుడు, దుమ్ము మొదలైన వాటిని దూషించడం (శపించడం లేదా తిట్టడం) కూడా నిషిద్ధమే అని భావించబడుతుంది.