“విశ్వాసి తన సత్ప్రవర్తన, సభ్యత, ఉత్తమ నడవడికల ద్వారా పుష్కలంగా సలాహ్ (నమాజు) లు మరియు ఉపవాసాలు ఆచరించే వాని స్థాయిని పొందుతాడు”

ఈ హదీసు ద్వారా ఇస్లాం నైతిక విలువలకు మరియు వాటి పరిపూర్ణతకు ఉత్తమ స్థానం ఇస్తుందని తెలుస్తున్నది.
సత్ప్రవర్తన, ఉత్తమ నడవడికల ఘనత ఏమిటంటే, వాటి ద్వారా దాసుడు – నిరంతరం ఉపవాసాలు పాటించే వాని స్థాయికి, మరియు నిరంతరం నమాజులో నిలబడినా ఏమాత్రమూ అలసట ఎరుగని వాని స్థాయికి చేరుకుంటాడు.
పగలంతా ఉపవాసములో గడుపుట మరియు రాత్రంతా నమాజులో నిలబడుట – ఇవి రెండూను ఎవరిపైనైనా అతి భారమైన మరియు కఠినతరమైన ఆచరణలు. సత్ప్రవర్తన మరియు ఉత్తమ నడవడిక కలిగిన వ్యక్తి ఆ విధంగా ఉపవాసాలు పాటించే మరియు నమాజులు ఆచరించే వాని స్థాయికి చేరుకుంటాడు – ఎందుకంటే ఇతను కూడా అన్ని వేళలా సత్ప్రవర్తన, ఉత్తమ నడవడిక కలిగి ఉండడానికి అంతగా కష్టపడతాడు కనుక.