“ఎవరైతే తన కూతుళ్లను జాగ్రత్తగా చూసుకుంటారో మరియు వారితో దయగా వ్యవహరిస్తారో, వారు అతనికి నరకాగ్ని నుండి రక్షణగా (తెరగా) ఉంటారు

కుమార్తెలను చూసుకోవడం మరియు వారి పెంపకము, ఎదుగుదలలో వారికి అన్నివిధాలా అండగా నిలవడం, మద్దతు ఇవ్వడం నరకాగ్ని నుండి రక్షించే ఉత్తమ ధార్మిక కార్యాలలో ఒకటి.
ఒకరు తేలికగా ఇవ్వగలిగినంత దానం చేయాలని సిఫార్సు చేయబడింది, అది చిన్నదే అయినా సరే.
తల్లిదండ్రులకు పిల్లల పట్ల గాఢమైన అనురాగం, ప్రేమ, మమకారం ఉంటాయి.
ఈ హదీథు రసూలుల్లాహ్ సల్లల్లాహు అలైహి వసల్లం కుటుంబ పరిస్థితిని గురించి స్పష్టం చేస్తున్నది, ఆయన ఇంటిలో ఆహారపదార్థాలు (పుష్కలంగా కాకుండా), కేవలం అవసరమైనంత మాత్రమే ఉండేవి.
ఇది నిస్వార్థత యొక్క ఘనతను వివరిస్తుంది మరియు అది విశ్వాసుల లక్షణం అని వివరిస్తుంది. ఆయిషా రదియల్లాహు అన్హా తన ఇంటిలో ఉన్నది ఒక్క ఖర్జూరమే అయినా, తనకు దాని అవసరం ఉన్నప్పటికీ, తన కంటే ఆ స్త్రీకి మరియు ఆమె ఇద్దరు పిల్లలకు ప్రాధాన్యనత ఇచ్చినారు. ఆ విధంగా తన దాతృత్వాన్ని, గొప్ప ఉదారతను ప్రదర్శించినారు.
కుమార్తెలను కలిగి ఉండడం నిజానికి ఒక ఆశీర్వాదం, కానీ అది 'పరీక్ష' అని కూడా పిలువబడుతుంది, ఎందుకంటే వారి పెంపకంలో ఎదురయ్యే కష్టాలు మరియు అలసట కారణంగా, లేదా కొంతమంది ఆడసంతానాన్ని ఇష్టపడరు, లేదా వారికి తరచుగా సంపాదించడానికి మరియు జీవించడానికి మార్గాలు లేనందున, ఆడపిల్లలను కలిగి ఉండడం ఒక ‘పరీక్ష’ అంటారు.
ఇస్లాం ధర్మం పూర్వ ఇస్లామీయ యుగంలోని అసహ్యకరమైన పద్ధతులను నిర్మూలించడానికి వచ్చింది, అందువలన ఇది కుమార్తెలను గౌరవించాలని మరియు వారి పట్ల తగిన శ్రద్ధ వహించాలని పిలుపునిస్తుంది.
ఈ హదీథులో కూతుళ్లను కలిగి ఉన్న తల్లిదండ్రుల కొరకు పేర్కొనబడిన ‘ప్రతిఫలం’ (బహుమతి), కొన్ని ఇతర హదీథులలో పేర్కొనబడిన విధంగా ఒక్క కూతురే ఉన్నా కూడా లభిస్తుంది.