“తన ప్రభువును (అల్లాహ్’ను) స్మరించు వాడు మరియు తన ప్రభువును (అల్లాహ్’ను) స్మరించని వాడు – వీరిరువురి ఉదాహరణ జీవించి ఉన్న మరియు మరణించిన వానికి మధ్య ఉన్న పోలిక వంటిది”

ఈ హదీథులో అల్లాహ్ నామమును స్మరించడం (అల్లహ్ యొక్క జిక్ర్ చేయడం) పట్ల ప్రోత్సాహము, మరియు దానిని నిర్లక్ష్యం చేయడం పట్ల హెచ్చరిక ఉన్నాయి.
ఆత్మ శరీరానికి ప్రాణం అయినట్లే, అల్లాహ్ యొక్క నామ స్మరణ (జిక్ర్) ఆత్మకు ప్రాణం లాంటిది.
ప్రవక్త సల్లల్లాహు అలైహి వసల్లం యొక్క మార్గదర్శనం చేయు విధానం, ఉపమానాలు మరియు ఉదాహరణలతో కూడి ఉండి, అవి ఆ విషయపు అర్థానికి దగ్గరగా ఉంటాయి. అవి ఆ విషయాన్ని మరింత ప్రభావ వంతంగా అర్థం చేసుకునేలా ఉంటాయి.
ఇమాం అన్’నవవీ (రహిమహుల్లాహ్) ఇలా అన్నారు: “ఈ హదీథులో - మన ఇంటిలో సర్వశక్తిమంతుడైన అల్లాహ్ యొక్క స్మరణను గురించిన ప్రోత్సాహం ఉన్నది. మరియు అది (ఆ ఇల్లు) అల్లాహ్ యొక్క నామ స్మరణ నుండి ఖాళీగా ఉండరాదు.”
ఇమాం అన్’నవవీ (రహిమహుల్లాహ్) ఇలా అన్నారు: మరణించిన వాడు ఒక మంచి స్థానానికి చేరుకున్నప్పటికీ, అల్లాహ్ యొక్క విధేయతలో గడిపే సుదీర్ఘ జీవితం కూడా ఒక సుగుణమే; ఎందుకంటే, సజీవంగా ఉన్న వ్యక్తి ఆయనను ఎలాగూ కలుసుకుంటాడు, అయితే అతను చేసే విధేయతా పూర్వకమైన చర్యల ద్వారా, ఆచరణల ద్వారా చనిపోయిన వాని కంటే మెరుగ్గా ఉండటానికి అవకాశం ఉంటుంది.