“నాకు తరుచూ ‘స్ఖలన పూర్వ ద్రవం’ (వీర్య స్ఖలనానికి పూర్వము పురుషాంగం నుండి విదుదలయ్యే ఒక రకమైన ద్రవం) విడుదలవుతూ ఉంటుంది. ప్రవక్త సల్లల్లాహు అలైహి వసల్లం కుమార్తె నా భార్య కావడంతో, ఈ విషయాన్ని గురించి వారిని ప్రశ్నించడానికి నాకు సిగ్గు అనిపించేది. కనుక నేను మిగ్దాం ఇబ్న్ అల్ అస్వద్’ను దానిని గురించి ప్రవక్త సల్లల్లాహు అలైహి వసల్లం ను ప్రశ్నించమని అడిగాను. అపుడు ప్రవక్త సల్లల్లాహు అలైహి వసల్లం ఇలా అన్నారు “అతడు తన పురుషాంగాన్ని కడుక్కొని (తరువాత) వుదూ చేయాలి

ఈ హదీసులో అలీ బిన్ అబీ తాలిబ్ రజియల్లాహు అన్హు యొక్క ఘనత తెలుస్తున్నది – ఆ విషయం పట్ల ఆయన సిగ్గు పడటం, వేరొకరి ద్వారానైనా ప్రశ్నించడం నుండి ఆయనను దూరంగా ఉంచలేదు.
ఈ హదీసు ద్వారా మన తరఫున ప్రశ్నించడానికి ఎవరినైనా మనం నియమించుకొన వచ్చును అనడానికి అనుమతి లభిస్తున్నది.
తాను సిగ్గు పడుతున్న తనకు సంబంధించిన ఏదైనా విషయాన్ని గురించి, ప్రజల బహుళ ప్రయోజనం కొరకు బహిరంగపరుచుట అనుమతించబడిన విషయమే.
మదీ (‘స్ఖలన పూర్వ ద్రవం’) అనేది అశుద్ధమైనదని, దానిని బట్టల నుండి మరియు శరీరానికి అంటుకుని ఉంటే శరీరం నుండి నీటితో కడిగి దూరం చేయాలి అని తెలుస్తున్నది.
మదీ (‘స్ఖలన పూర్వ ద్రవం’) విడుదల కావడం అనేది వుదూను భంగ పరిచే విషయాలలో ఒకటి.
మరొక హదీసులో పేర్కొనట్టు, శుభ్రపరుచునపుడు పురుషాంగాన్ని మరియు వృషణాలను కూడా కడగాలి.