“ඉස්රාඊල් දරුවන් වනාහි නබිවරු ඔවුන් පාලනය කළහ. නබිවරයකු ඉකුත්ව ගිය සෑම කලකම ඔහුගෙන් පසුව තවත් නබිවරයකු ඔවුන් වෙත පැමිණියේය. සැබැවින්ම මට පසුව කිසිදු නබිවරයකු නැත. මගෙන් පසුව කුලෆාවරු (පාලකයෝ) වෙති. ඔවුන් අධිකව සිටිති.”

යම් සමාජයක කටයුතු මෙහෙයවන නිවැරදි මාර්ගය මත ඔවුන් යොමු කරන කිසියම් හෝ නබිවරයකු හෝ නායකයකු පාලනය සඳහා අවශ්‍ය වේ.
අපගේ නබි මුහම්මද් (සල්ලල්ලාහු අලයිහි වසල්ලම්) තුමාණන්ගෙන් පසු කිසිදු නබිවරයකු නැත.
නිත්‍යානුකූල ක්‍රමවේදයක් හරහා පාලන බලය ස්ථීර වූ අයගෙන් ඉවත්ව යෑම හා කැරළි ගැසීමට එරෙහිව අනතුරු ඇඟවීම.
එකම වේලාවක පාලකයින් දෙදෙනෙකුට ප්‍රතිඥා දී ගිවිස ගැනීමට අවසර නැත.
ඉමාම්වරයකු සතු ඉමහත් වගකීම. එය නියත වශයෙන් අල්ලාහ් ඔහුගේ පාලන වගකීම පිළිබඳ ඔහුගෙන් විමසන බැවිනි.
ඉබ්නු හජර් තුමා මෙසේ දන්වයි: "මෙලොව කටයුතුවලට වඩා ආගමික කටයුතුවලට ප්‍රමුඛත්වය ලබා දීම. මක්නිසාද යත්, නබි (සල්ලල්ලාහු අලයිහි වසල්ලම්) තුමාණන්, පාලකයාගේ වගකීම් ඉටු කරන මෙන් නියෝග කර ඇති බැවිනි. ඒහි දී ආගමික ප්‍රකාශය උසස් කර ඇති අතර අර්බුද හා හානිය වළක්වා ඇත. ඔහුගේ වගකීම් ඉටු කරන මෙන් ඉල්ලා සිටීමේ නියෝගය ප්‍රමාද කිරීම එය අවලංගු නොකරනු ඇත. අල්ලාහ් ඔහුට පොරොන්දු දී ඇත්තේ ඔහුව පිවිතුරු කර මරණින් මතු ජීවිතයේදී වුව ද ඔහුට ප්‍රතිඵල දෙන බවයි.
නබි (සල්ලල්ලාහු අලයිහි වසල්ලම්) තුමාණන්ගේ වක්තෘභාවයේ සළකුණු අතරින් මෙය ද සළකුණකි. එතුමාණන් කී පරිදිම එතුමාණන්ගෙන් පසුව පාලකයින් අධික විය. ඔවුන් අතරින් දැහැමියන් මෙන්ම දුෂ්ඨයින් සමාජය පාලනය කළෝය.