موږ ته د برېتو (سنت)اخېستلو، نوکانو لنډولو، تخرګونو وېستلو او د نامه نه لاندې برخې کلولو لپاره نېټه ټاکل شوې ده چې له څلوېښتو شپو یې زیات پرې نه ږدو

شوکاني ویلي: غوره نظر دا دی چې تر څلوېښتو ورځو پورې محدود شي، کومه نېټه چې رسول الله صلی الله علیه وسلم ورته ټاکلې ده، نو زیاتول یې جواز نلري، که چېرته چا پرېښودل چې اوږده شي خو ټاکلې نېټه پای ته نه وي رسیدلي نو دا د سنت مخالف عمل نه بلل کېږي.
ابن هبیره ویلي: دا حدیث د ځنډولو وروستی حد ښیي، خو غوره ده چې له دې مودې مخکې واخېستل شي.
په نظافت، پاکوالي او زینت د اسلام ټینګار.
برېتونه لنډول، چې له پاس شونډې یو څه وېښتان واخېستل شي.
د تخرګ د وېښتانو ایستل، د هغو وېښتانو لرې کول چې هلته وده کوي، کومه چې د اوږې په برخه کې د لاس بند لاندې ساحه ده.
د ناف وېښتان خریل، کوم چې د نارینه او ښځینه دواړو د تناسلي غړو شاوخوا وده کوونکي وېښتان دي.