کله چې رسول الله صلى الله عليه وسلم زمونږ تر منځه و نو موږ به د هر کوچني او لوی، ازاد او غلام سرسایه له خوړو یوه پيمانه، یا له کورتو یوه پيمانه، یا له وربشو یوه پيمانه، یا له خرماوو یوه پیمانه او یا له ممیزو یوه پیمانه ورکوله

د رسول الله صلی الله علیه وسلم په زمانه کې د فطر د صدقې اندازه یو صاع (پیمانه) خواړه وو که څه هم جنس او قیمت به یې سره بېلابېل و.
د انسان لپاره هر ډول خواړه د فطر صدقه کېدلی شي، خو دا څلور ډوله یې په ځانګړي ډول له دې امله ذکر کړل چې دا د رسول الله صلی الله علیه وسلم په زمانه کې د خلکو خوراک وو.
د فطر په صدقه کې له خوراکي توکو پرته د پيسو ورکول صحیح نه دي.
نووي رحمه الله د مسلم د شرحې په حواله ویلي چې: کله صحابه سره په خپلو کې مخالفت وکړي نو د ځینو قول په ځینو نورو لومړیتوب نه لري، نو بیا بل دلیل ته رجوع کوو، (پدې حال کې) مونږ د احادیثو ظاهر او قیاس ولیدل چې د غنمو لپاره یې هم لکه د نورو په څېر یو صاع ټاکلی دی، نو باید دې ته اعتبار ورکړ شي.
ابن حجر وايي: د ابو سعید په حدیث کې په اتباع او د نصوصو په پیروۍ سخت ټینګار شوی او دا چې باید د نص په شتون کې اجتهاد پرېښودل شي، او د معاویة رضي الله عنه کړنه او بیا ورسره د خلکو موافقه د اجتهاد په جواز دلالت کوي او دا ښه کار دی، خو د نص په شتون کې باطل دی.