الله تعالی ورته پرې جنت واجب کړ او یا دا چې له اور څخه یې پرې خلاصه کړه

د صدقې فضیلت، که څه هم لږه وي، او دا چې صدقه د مؤمن په خپل رب ایمان، د هغه پر وعده په باور کولو باندې دلالت کوي.
پر خپلو ماشومانو د مېندو لویه مهرباني، او پر ضایع کېدو یې وېره.
پر ځان بل ته د لومړیتوب ورکولو فضیلت، پر کوچنیانو ترحم، د لورګانو سره زیاته نیکي او پرې شفقت، جنت ته د ننوتلو او له دوزخ څخه د خلاصون لامل دي.
لږ مال خېراتول باید د لږوالي له امله د خېراتولو پر وړاندې خنډ ونه ګرځي، بلکې خېرات کوونکي ته په کار دي هغه څه خېرات کړي چې ورته اسان وي؛ هغه که لږ وي او یا ډېر.
په حدېث کې د رسول الله صلی الله علیه وسلم د کورنیو د ژوند څرګوالی بیان شوی او دا چې ده او کورنۍ به یې له یوې او یا دریو خرماوو پرته د خوړلو لپاره نور څه نه درلودل.