ਜਦੋਂ ਤੁਹਾਡੇ ਵਿੱਚੋਂ ਕਿਸੇ ਨੂੰ ਆਪਣੇ ਪੇਟ ਵਿੱਚ ਕੁੱਝ ਮਹਿਸੂਸ ਹੋਵੇ ਅਤੇ ਉਸ ਨੂੰ ਇਹ ਸ਼ੱਕ ਹੋਵੇ ਕਿ ਉਸ ਵਿੱਚੋਂ ਕੁੱਝ ਨਿੱਕਲਿਆ ਹੈ ਜਾਂ ਨਹੀਂ, ਤਾਂ ਉਹ ਬਿਲਕੁਲ ਵੀ ਉਸ ਸਮੇਂ ਤੱਕ ਮਸਜਿਦ ਤੋਂ ਬਾਹਰ ਨਾ ਨਿੱਕਲੇ, ਜਦੋਂ ਤੱਕ ਆਵਾਜ਼ ਨਾ ਸੁਣੇ ਜਾਂ ਬਦਬੂ ਨਾ ਮਹਿਸੂਸ ਹੋਵੇ।

ਅੱਲਾਹ ਦੇ ਨਬੀ ﷺ ਨੇ ਦੱਸਿਆ ਹੈ ਕਿ ਜਦੋਂ ਨਮਾਜ਼ੀ ਦੇ ਪੇਟ ਵਿੱਚ ਕੋਈ ਚੀਜ਼ ਇੱਧਰ ਤੋਂ ਉੱਧਰ ਜਾਵੇ ਅਤੇ ਉਸ ਲਈ ਇਹ ਫੈਸਲਾ ਕਰਨਾ ਮੁਸ਼ਕਿਲ ਹੋ ਜਾਵੇ ਕਿ ਪੇਟ ਵਿੱਚੋਂ ਕੁੱਝ ਨਿੱਕਲਿਆ ਹੈ ਜਾਂ ਨਹੀਂ, ਤਾਂ ਦੁਬਾਰਾ ਵੁਜ਼ੂ ਕਰਨ ਲਈ ਆਪਣੀ ਨਮਾਜ਼ ਨੂੰ ਤੋੜ ਕੇ ਉਦੋਂ ਤੱਕ ਬਾਹਰ ਨਾ ਨਿੱਕਲੇ, ਜਦੋਂ ਤੱਕ ਉਸਨੂੰ ਇਹ ਯਕੀਨ ਨਾ ਹੋ ਜਾਵੇ ਕਿ ਵੁਜ਼ੂ ਟੁੱਟ ਹੀ ਗਿਆ ਹੈ। ਉਦਾਹਰਣ ਲਈ ਹਵਾ ਨਿੱਕਲਣ (ਪੱਦ) ਦੀ ਆਵਾਜ਼ ਸੁਣੇ ਜਾਂ ਉਸਦੀ ਬਦਬੂ ਮਹਿਸੂਸ ਕਰੇ। ਕਿਉਂਕਿ ਯਕੀਨ ਸ਼ੱਕ ਦੇ ਅਧਾਰ 'ਤੇ ਖਤਮ ਨਹੀਂ ਹੁੰਦਾ ਅਤੇ ਇੱਥੇ ਪਾਕੀ ਦਾ ਹੋਣਾ ਯਕੀਨੀ ਹੈ, ਜਦੋਂ ਕਿ ਵੁਜ਼ੂ ਟੁੱਟਿਆ ਹੈ ਜਾਂ ਨਹੀਂ, ਇਸ ਵਿੱਚ ਸ਼ੱਕ ਹੈ।