ਜੋ ਕਿਸੇ ਕੌਮ ਦੀ ਨਕਲ ਕਰਦਾ ਹੈ, ਉਹ ਉਹਨਾਂ ਵਿੱਚੋਂ ਹੀ ਹੋ ਜਾਂਦਾ ਹੈ।

ਅੱਲਾਹ ਦੇ ਨਬੀ ﷺ ਦੱਸਦੇ ਹਨ ਕਿ ਜਿਸ ਨੇ ਕਿਸੇ ਕਾਫ਼ਿਰ, ਗੁਨਾਹਗਾਰ ਜਾਂ ਦੀਨੀ (ਧਾਰਮਿਕ) ਕੌਮ ਦੀ ਸੰਪੂਰਨਤਾ ਨਾਲ ਨਕਲ ਕੀਤੀ — ਭਾਵ ਉਨ੍ਹਾਂ ਦੇ ਅਕੀਦੇ (ਧਾਰਮਿਕ ਆਸਥਾਵਾਂ), ਇਬਾਦਤਾਂ ਜਾਂ ਰੀਤੀ-ਰਿਵਾਜਾਂ ਨਾਲ ਸਬੰਧਤ ਉਨ੍ਹਾਂ ਦੇ ਕਿਸੇ ਕੰਮ ਨੂੰ ਅਪਣਾਇਆ ਜੋ ਉਸ ਕੌਮ ਨਾਲ ਖਾਸ ਹੈ, ਤਾਂ ਉਸ ਦੀ ਗਿਣਤੀ ਉਨ੍ਹਾਂ ਲੋਕਾਂ ਵਿੱਚ ਹੀ ਹੋਵੇਗੀ। ਕਿਉਂਕਿ ਉਨ੍ਹਾਂ ਦੀ ਬਾਹਰੀ ਸਮਾਨਤਾ ਅਪਣਾਉਣ ਨਾਲ ਉਨ੍ਹਾਂ ਦੀ ਅੰਦਰੂਨੀ ਸਮਾਨਤਾ ਅਪਣਾਉਣ ਦੇ ਰਾਹ ਖੁਲ੍ਹ ਜਾਂਦੇ ਹਨ। ਇਸ ਗੱਲ ਵਿੱਚ ਕੋਈ ਸ਼ੱਕ ਨਹੀਂ ਕਿ ਕਿਸੇ ਕੌਮ ਦੀ ਨਕਲ ਕਰਨਾ, ਉਸ ਕੌਮ ਪ੍ਰਤੀ ਅਧੀਨਗੀ ਦਾ ਨਤੀਜਾ ਹੁੰਦਾ ਹੈ ਅਤੇ ਇਹ ਉਨ੍ਹਾਂ ਪ੍ਰਤੀ ਮੋਹ, ਇੱਜ਼ਤ ਅਤੇ ਝੁਕਾਅ ਦਾ ਕਾਰਨ ਬਣਦਾ ਹੈ। ਇਸ ਨਾਲ ਕਈ ਵਾਰ ਗੱਲ ਉਨ੍ਹਾਂ ਦੀ ਇਬਾਦਤ ਅਤੇ ਵਿਚਾਰਧਾਰਾ ਨੂੰ ਅਪਨਾਉਣ ਤੱਕ ਚਲੀ ਜਾਂਦੀ ਹੈ। ਅੱਲਾਹ ਸਾਨੂੰ ਇਸ ਤੋਂ ਬਚਾਵੇ।