ਕੋਈ ਵੀ ਮੁਸਲਮਾਨ ਐਸਾ ਨਹੀਂ ਜੋ ਕੋਈ ਅਜਿਹੀ ਦੁਆ ਕਰੇ ਜਿਸ ਵਿੱਚ ਨਾ ਤਾਂ ਕੋਈ ਗੁਨਾਹ ਹੋਵੇ ਅਤੇ ਨਾ ਹੀ ਰਿਸ਼ਤੇਦਾਰੀਆਂ ਤੋੜਨ ਵਾਲੀ ਗੱਲ, ਮਗਰ ਅੱਲਾਹ ਉਸ ਦੁਆ ਦੇ ਬਦਲੇ ਉਸਨੂੰ ਤਿੰਨਾਂ ਵਿੱਚੋਂ ਇੱਕ ਚੀਜ਼਼ ਜ਼ਰੂਰ ਦਿੰਦੈ: ਜਾਂ ਤਾਂ ਉਸ ਦੀ ਦੁਆ ਤੁਰੰਤ ਕਬੂਲ ਕਰ ਲਈ ਜਾਂਦੀ ਹੈ, ਜਾਂ ਉਸ ਲਈ ਆਖ਼ਰਤ ਵਿੱਚ ਸੰਭਾਲ ਲਈ ਜਾਂਦੀ ਹੈ, ਜਾਂ ਉਸ ਤੋਂ ਕੋਈ ਐਨੀ ਹੀ ਬੁਰਾਈ ਦੂਰ ਕਰ ਦਿੱਤੀ ਜਾਂਦੀ ਹੈ।»ਉਹਨਾਂ ਨੇ ਪੁੱਛਿਆ: "ਫਿਰ ਤਾਂ ਅਸੀਂ ਬਹੁਤ ਦੁਆ ਕਰੀਏ!" ਉਨ੍ਹਾਂ (ਨਬੀ ਕਰੀਮ ﷺ) ਨੇ ਫਰਮਾਇਆ: «ਅੱਲਾਹ ਹੋਰ ਵਧ ਕਰਮ ਕਰਨ ਵਾਲਾ ਹੈ!

ਨਬੀ ਕਰੀਮ ﷺ ਨੇ ਇਤਲਾਖ਼ੀ ਤੌਰ 'ਤੇ ਦੱਸਿਆ ਕਿ ਜਦੋਂ ਕੋਈ ਮੁਸਲਮਾਨ ਅੱਲਾਹ ਤੌਂ ਕੋਈ ਅਜਿਹੀ ਚੀਜ਼ ਮੰਗਦਾ ਹੈ ਜੋ ਨਾ ਤਾਂ ਗੁਨਾਹ ਹੋਵੇ — ਜਿਵੇਂ ਕਿ ਗੁਨਾਹ ਜਾਂ ਜ਼ੁਲਮ ਕਰਨ ਦੀ ਸਹੂਲਤ ਮੰਗਣਾ — ਅਤੇ ਨਾ ਹੀ ਰਿਸ਼ਤੇਦਾਰੀਆਂ ਤੋੜਣ ਵਾਲੀ ਹੋਵੇ — ਜਿਵੇਂ ਕਿ ਆਪਣੇ ਬੱਚਿਆਂ ਜਾਂ ਰਿਸ਼ਤੇਦਾਰਾਂ ਵਾਸਤੇ ਬਦਦੁਆ ਕਰਨੀ — ਤਾਂ ਅੱਲਾਹ ਉਸ ਦੀ ਦੁਆ ਦੇ ਬਦਲੇ ਉਸਨੂੰ ਤਿੰਨਾਂ ਵਿੱਚੋਂ ਇੱਕ ਚੀਜ਼਼ ਜ਼ਰੂਰ ਦਿੰਦੈ: ਜਾਂ ਤਾਂ ਅੱਲਾਹ ਉਸ ਦੀ ਦੁਆ ਤੁਰੰਤ ਕਬੂਲ ਕਰ ਲੈਂਦਾ ਹੈ ਅਤੇ ਜੋ ਕੁਝ ਉਸ ਨੇ ਮੰਗਿਆ ਹੋਵੇ ਉਹ ਉਸਨੂੰ ਅਤਾ ਕਰ ਦਿੰਦਾ ਹੈ। ਜਾਂ ਫਿਰ ਅੱਲਾਹ ਤਆਲਾ ਉਸ ਦੀ ਦੁਆ ਨੂੰ ਰੋਕ ਲੈਂਦਾ ਹੈ ਤਾਂ ਜੋ ਕ਼ਿਆਮਤ ਦੇ ਦਿਨ ਉਸ ਲਈ ਇਸ ਦੇ ਬਦਲੇ ਵੱਡਾ ਅਜਰ, ਉੱਚ ਦਰਜੇ, ਜਾਂ ਆਪਣੀ ਰਹਿਮਤ ਰਾਹੀਂ ਗੁਨਾਹਾਂ ਦੀ ਮਾਫੀ ਅਤਾ ਕਰੇ। ਜਾਂ ਫਿਰ ਦੁਨਿਆ ਵਿੱਚ ਅੱਲਾਹ ਉਸ ਦੁਆ ਦੇ ਬਰਾਬਰ ਕੋਈ ਬੁਰੀ ਚੀਜ਼ ਉਸ ਤੋਂ ਦੂਰ ਕਰ ਦਿੰਦਾ ਹੈ। ਤਦ ਸਹਾਬਿਆਂ ਨੇ ਨਬੀ ਕਰੀਮ ﷺ ਨੂੰ ਅਰਜ ਕੀਤਾ: "ਫਿਰ ਤਾਂ ਅਸੀਂ ਵੱਧ ਤੋਂ ਵੱਧ ਦੁਆ ਕਰੀਏ, ਤਾਂ ਜੋ ਇਹਨਾਂ ਵਿੱਚੋਂ ਕੋਈ ਨਾ ਕੋਈ ਭਲਾਈ ਮਿਲ ਜਾਏ?" ਤਦ ਨਬੀ ਕਰੀਮ ﷺ ਨੇ ਫਰਮਾਇਆ: "ਅੱਲਾਹ ਦੇ ਕੋਲ ਜੋ ਕੁਝ ਹੈ,ਅਤੇ ਜੋ ਤੁਸੀਂ ਮੰਗਦੇ ਹੋ ਉਸ ਤੋਂ ਵੀ ਵੱਡਾ ਅਤੇ ਮਹਾਨ ਹੈ। ਉਸ ਦਾ ਅਤਾਅ (ਦਾਤ) ਨਾ ਕਦੇ ਘਟਦਾ ਹੈ ਅਤੇ ਨਾ ਹੀ ਮੁਕੰਮਲ ਹੁੰਦਾ ਹੈ।"