ਪੰਜ ਚੀਜ਼ਾਂ (ਇਨਸਾਨੀ) ਫ਼ਿਤਰਤ (ਦਾ ਹਿੱਸਾ) ਹਨ: ਖਤਨਾ ਕਰਨਾ, ਧੁੰਨੀ ਤੋਂ ਨੀਚੇ ਦੇ ਵਾਲ ਕੱਟਣਾ, ਮੂੰਛਾਂ ਛੋਟੀਆਂ ਕਰਨਾ, ਨਹੁੰ ਕੱਟਣਾ ਅਤੇ ਕੱਛਾਂ ਦੇ ਵਾਲ ਪੁੱਟਣਾ।

ਨਬੀਆਂ ਦੀਆਂ ਉਹ ਸੁੰਨਤਾਂ, ਜੋ ਅੱਲਾਹ ਨੂੰ ਪਿਆਰੀਆਂ ਤੇ ਪਸੰਦ ਹਨ ਅਤੇ ਜਿਨ੍ਹਾਂ ਦਾ ਉਹ ਹੁਕਮ ਦਿੰਦਾ ਹੈ; ਉਹ ਇਨਸਾਨ ਦੇ ਕਮਾਲ (ਸੰਪੂਰਨਤਾ), ਸਫਾਈ ਅਤੇ ਖ਼ੂਬਸੂਰਤੀ ਦਾ ਸਾਧਨ ਬਣਦੀਆਂ ਹਨ।
ਇਨ੍ਹਾਂ ਚੀਜ਼ਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ ਅਤੇ ਇਨ੍ਹਾਂ ਤੋਂ ਬੇਪਰਵਾਹ ਨਹੀਂ ਹੋਣਾ ਚਾਹੀਦਾ।
ਇਨ੍ਹਾਂ ਕੰਮਾਂ ਦੇ ਬਹੁਤ ਸਾਰੇ ਦੀਨੀ (ਧਾਰਮਿਕ) ਤੇ ਦੁਨਿਆਵੀ ਫਾਇਦੇ ਹਨ। ਜਿਵੇਂ ਦਿੱਸਣ ਵਿੱਚ ਸੋਹਣਾ ਲੱਗਣਾ, ਸ਼ਰੀਰ ਦੀ ਸਫ਼ਾਈ, ਪਵਿੱਤਰਤਾ (ਪਾਕੀ) ਦੇ ਮਾਮਲੇ ਵਿੱਚ ਸਾਵਧਾਨੀ ਵਰਤਣਾ, ਗੈਰ-ਮੁਸਲਮਾਨਾਂ ਤੋਂ ਵੱਖਰੀ ਪਹਿਚਾਣ ਰੱਖਣਾ ਅਤੇ ਅੱਲਾਹ ਦੇ ਹੁਕਮ ਦਾ ਪਾਲਣ ਕਰਨਾ।
ਹੋਰਨਾਂ ਹਦੀਸਾਂ ਵਿੱਚ ਇਨ੍ਹਾਂ ਪੰਜ ਕੰਮਾਂ ਤੋਂ ਇਲਾਵਾ ਵੀ ਕੁੱਝ ਹੋਰ ਕੰਮਾਂ ਨੂੰ ਇਨਸਾਨੀ ਫ਼ਿਤਰਤ 'ਤੇ ਅਧਾਰਤ ਕੰਮ ਦੱਸਿਆ ਗਿਆ ਹੈ। ਜਿਵੇਂ ਦਾੜ੍ਹੀ ਨੂੰ ਵਧਾਉਣਾ, ਮਿਸਵਾਕ (ਦਾਤਣ) ਵਰਤਣਾ ਆਦਿ।