ချီးမွမ်းခြင်းအပေါင်းသည် အလ္လာဟ်အရှင်မြတ်အဖို့သာဖြစ်တော်မူ၏ အကြင်အရှင်မြတ်သည် ၎င်း(ရှိုင်သွာန်)၏ လှည့်ဖျားမှုကို ဝတ်စ်ဝစဟ် (သံသယအတွေး) အဖြစ်သို့ပြောင်းလဲတော်မူခဲ့သည်။

ရှိုင်သွာန်သည် မုအ်မင်န်တို့အား သံသယစိတ်များထည့်သွင်းကာ ၎င်းတို့ကို အီမာန်ယုံကြည်မှုမှ ကုဖ်ရ် သွေဖည်ငြင်းပယ်မှုထဲသို့ ကျရောက်စေရန် အမြဲမျှော်လင့်စောင့်စားနေကြောင်းရှင်းပြထားသည်။
အီမာန်ယုံကြည်သူများနှင့်ပတ်သက်၍ ရှိုင်သွာန်မိစ္ဆာ၏ ချည့်နဲ့မှုကို ရှင်းပြထားသည်။ ၎င်းသည် ‘ဝတ်စ်ဝစဟ်’သံသယအတွေးသာ ထည့်သွင်းပေးနိုင်သည်။
မုအ်မင်န် သက်ဝင်ယုံကြည်သူသည် ရှိုင်သွာန်ဘက်မှ ဖြစ်ပေါ်လာသည့် မကောင်းသည့် သံသယအတွေးများကို ကျောခိုင်းထားကာ စိတ်ထဲမှ ဖယ်ရှားပစ်ရမည်။
ကောင်းမြတ်သည့်အရာ သို့မဟုတ် အံ့ဩစရာ သို့မဟုတ် အလားတူကိစ္စရပ်များကြုံတွေ့ပါက ‘သက္ကဗီရ်’ဆိုရမည်။
မွတ်စ်လင်မ်တစ်ဦးသည် မိမိနားမလည်သည့်ကိစ္စများကို သာသနာ့ပညာရှင်အား မေးမြန်းရမည်။