ကုရ်အာန်ကို ရွတ်ဆိုကျင့်သုံးသူ၏ ဥပမာသည် ခြေကျင်းချည်နှောင်ထားသော ကုလားအုတ်ပိုင်ရှင်နှင့်တူ၏။ အကယ်၍ ၎င်းကို ဂရုစိုက် ထိန်းသိမ်းခဲ့ပါက လွတ်မြောက်ခြင်းမရှိဘဲ ရှိနေမည်။ အကယ်၍ ဖြေလွှတ်ပစ်ခဲ့ပါက (ကုလားအုတ်သည်) ထွက်ခွာသွားလိမ့်မည်။

၁။ ကုရ်အာန်ကို အမြဲဖတ်ရှုလေ့လာရန် တိုက်တွန်းခြင်းနှင့် မေ့လျော့ခြင်းမှ ကာကွယ်ရန် သတိပေးခြင်း။
၂။ ကုရ်အာန်ကို အမြဲမပြတ် ဖတ်ရှုလေ့လာခြင်းသည် နှုတ်လျှာအတွက် ဖတ်ရှုရန် လွယ်ကူစေပြီး ဖတ်ရှုခြင်းကို ချောမွေ့စေ သည်။ အကယ်၍ လူတစ်ဦးသည် ကုရ်အာန်ကို စွန့်လွှတ်လိုက်ပါက၊ ဖတ်ရှုခြင်းသည် သူ့အတွက် လေးလံခက်ခဲလာလိမ့်မည်။
၃။ ကာဿွီအေယာဿ်ွက “ကုရ်အာန်၏ အဖော်” ဟူသော အဓိပ္ပာယ်မှာ ထိုကျမ်းမြတ်နှင့် ရင်းနှီးကျွမ်းဝင်သူ၊ “အဖော်” ဆိုသည်မှာ ရင်းနှီးကျွမ်းဝင်မှုကို ဆိုလိုသည်။ ယင်းမှ ဆင်းသက်လာသည်မှာ “အဘယ်သူသည် အဘယ်သူ၏ အဖော်”၊ “ဂျန္နသ်၏ အဖော်များ” (ဂျန္နသ်သုခဘုံသားများ)နှင့် “ငရဲမီး၏ အဖော်များ” (ဂျဟန္နမ်ငရဲသားများ) ဟူသော စကားများဖြစ်သည်။
၄။ ဒအ်ဝသ်ဖိတ်ခေါ်မှု၏ နည်းလမ်းများထဲတွင် ဥပမာများပေးဆောင်ခြင်းလည်း အပါအဝင်ဖြစ်သည်။
၅။ အဗ်နုဟဂျရ်က မိန့်ဆိုသည်မှာ “ကုလားအုတ်များကို အထူးဖော်ပြထားရခြင်းမှာ ၎င်းတို့သည် အိမ်မွေးတိရစ္ဆာန်များထဲတွင် အလွယ်တကူထိတ်လန့်ပြီး ပြေးတတ်ဆုံး ဖြစ်သောကြောင့်တည်း။ ထို့ပြင် ၎င်းတို့၏ ထိတ်လန့်ပြေးခြင်းသည် ပြင်းထန်သွားပါက ပြန်၍ ဖမ်းယူရရှိရန်မှာ အလွန်ပင်ခက်ခဲလှသည်။