လူသားတို့သည် ဥစ္စာပစ္စည်းနှင့်ပြည့်နှက်နေသော ချိုင့်ဝှမ်းနှစ်ခုကို ပိုင်ဆိုင်ခဲ့လျှင်လည်း တတိယချိုင့်ဝှမ်းတစ်ခုကို ထပ်မံတောင့်တပေလိမ့်မည်

၁။ လူသားတို့၏ ဥစ္စာပစ္စည်းနှင့် လောကီ၏အကျိုးခံစားမှုများကို စုဆောင်းရန် အလွန်အမင်း တပ်မက်မှု။
၂။ အိမာမ်နဝဝီက "ဤဟဒီးဆ်တော်တွင် လောကီဥစ္စာပစ္စည်းများကို တပ်မက်ခြင်း၊ များပြားစွာ စုဆောင်းလိုခြင်းနှင့် လောကီအရသာများကို မက်မောခြင်းတို့ကို ရှုတ်ချထားခြင်း ပါရှိသည်" ဟု ဆိုခဲ့သည်။
၃။ အလ္လာဟ်အရှင်မြတ်သည် ရှုတ်ချဖွယ်ရာ အကျင့်စရိုက်များမှ နောင်တရပြီး အရှင့်ဘက်သို့ ပြန်လှည့်သူတို့၏ သောင်ဗဟ်အမှားဝန်ချတောင်းပန်မှုကို လက်ခံတော်မူသည်။
၄။ အိမာမ်နဝဝီက ဆက်လက်၍ "ဤဟဒီးဆ်သည် လူသားအများစု၏ လောကီဥစ္စာပစ္စည်းများကို တပ်မက်မှု သဘာဝအပေါ် ထောက်ပြထားပြီး၊ တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) ၏ "အလ္လာဟ်အရှင်မြတ်သည် နောင်တရပြီး အရှင့်ဘက်သို့ ပြန်လှည့်သူတို့၏ သောင်ဗဟ်အမှားဝန်ချတောင်းပန်မှုကို လက်ခံတော်မူ၏" ဟူသော မိန့်ကြားချက်သည်လည်း ဤအချက်ကို ထောက်ခံအတည်ပြုထားသည်" ဟု ဖွင့်ဆိုခဲ့သည်။