“ကိယာမတ်နေ့တွင် မုအ်မင်န်ယုံကြည်သူအား သူ့အရှင်သခင်၏ အနီးသို့ ခေါ်ဆောင်လာခြင်းခံရမည်။ နောက်ဆုံး အလ္လာဟ်အရှင်မြတ်က သူ့အား မိမိအကာအကွယ်အောက်သို့ ထားတော်မူမည်။ ထို့နောက် သူ၏အပြစ်များကို ဝန်ခံစေတော်မူပြီး

မုအ်မင်န်သက်ဝင်ယုံကြည်သူများအဖို့ အလ္လာဟ်အရှင်မြတ်၏ကျေးဇူးတော်နှင့် ကရုဏာတော်မှာ လောကီဘဝနှင့် နောင်တမလွန်ဘဝတွင် ၎င်းတို့၏ အပြစ်များကို ဖုံးကွယ်ပေးခြင်းဖြစ်သည်။
မွတ်စ်လင်မ်တစ်ဦး၏အပြစ်ကို တတ်နိုင်သမျှဖုံးကွယ်ပေးထားရန် တိုက်တွန်းနှိုး‌ဆော်ထားခြင်း။
ဗန္ဒဟ်ကျေးကျွန်တို့၏ လုပ်ရပ်အားလုံးကို အလ္လာဟ်အရှင်မြတ်က ရေတွက်မှတ်တမ်းတင်ထားသည်။ မည်သူမဆို (မိမိ၏လုပ်ရပ်များ၌)ကောင်းမှုကို တွေ့ရှိပါက အလ္လာဟ်အရှင်မြတ်အား ကျေးဇူးတင်ခြင်းအားဖြင့် ချီးမွမ်းထောပနာပြုရမည်။ ၎င်းနှင့်ဆန့်ကျင်ဘက် မကောင်းမှုများကို တွေ့ရှိပါက မိမိကိုယ်ကိုသာ အပြစ်တင်ရမည်။ ထို့နောက် ထိုသူ(နှင့်ပတ်သတ်၍ အဆုံးအဖြတ်)သည် အလ္လာဟ်အရှင်မြတ်၏ အလိုတော်အောက်၌ ရှိသည်။
အိဗ်နုဟဂျရ်က ဤသို့ဆိုခဲ့သည်- ဟဒီးစ်တော်များအား စုစည်းလေ့လာသုံးသပ်ချက်အရ ကိယာမတ်နေ့တွင် အပြစ်ရှိသည့် မုအ်မင်န်ယုံကြည်သူများအား အောက်ပါအတိုင်း အမျိုးအစားနှစ်မျိုးခွဲခြားနိုင်သည်- ၁။ သူ၏အပြစ်သည် သူနှင့် သူ့အားဖန်ဆင်းမွေးမြူတော်မူသောအရှင်ကြား၌သာ ဖြစ်သော သူများ။ - အိဗ်နုအုမရ်၏ ဟဒီးစ်တော်အရ ဤအုပ်စုသည် နှစ်မျိုးနှစ်စားထပ်ကွဲသည်- ( ၁ ) လောကီဘဝတွင် ထိုအပြစ်ကို ဖုံးကွယ်ခဲ့သူများ- ဤသူများကို ကိယာမတ်နေ့တွင်လည်း အရှင်မြတ်က ၎င်းတို့၏အပြစ်များကို ဖုံးကွယ်ပေးမည်ဖြစ်ကြောင်း အထက်ပါဟဒီးစ်တော်တွင် တိုက်ရိုက်ဖော်ပြထားသည်။ ( ၂ ) လောကီဘဝတွင် ထိုအပြစ်ကို ပေါ်‌ပေါ်ထင်ထင်ကျူးလွန်ခဲ့သူများ- ဟဒီးစ်တော်၏ (မဖ်ဟူမ်) အလိုသဘောအရ ဤအုပ်စုသည် ဆန့်ကျင်ဘက်အခြေအနေကို ရောက်ရှိမည်ဖြစ်သည်။ ၂။ သူ၏အပြစ်သည် သူနှင့် အခြားကျေးကျွန်တစ်ဦးကြား၌ ဖြစ်သောသူများ။ ဤသူများလည်း နှစ်မျိုးထပ်ကွဲသည်- ( ၁ ) မိမိ၏ မကောင်းမှုများသည် ကောင်းမှုများထက် အလေး သာသွားသောသူများ- ဤသူများသည် ဂျဟန္နမ်ငရဲသို့ ကျရောက်မည်ဖြစ်သည်။ ထို့နောက် ရှဖာအသ်ကြားဝင်အသနားခံပေးမှုဖြင့် (ဂျဟန္နမ်ငရဲမှ ) ထွက်ခွာရမည်။ ( ၂ ) မိမိ၏မ ကောင်းမှုများနှင့် ကောင်းမှုများသည် အလေးချိန်ညီမျှသောသူများ- ဤသူများသည် ၎င်းတို့အချင်းချင်းကြား ကျေနပ်ကျေအေးခြင်း (အခွင့်အရေးတောင်းခံခြင်းနှင့် တရားမျှတမှုရယူခြင်း) ပြုပြီးမှသာလျှင် ဂျန္နတ်သုခဘုံသို့ ဝင်ရောက်နိုင်မည် ဖြစ်သည်။