ငါကိုယ်‌တော် မိအ်ရာဂျ်ခရီးကို ခေါ်ဆောင်သွားခြင်းခံရသောအခါ၊ ကြေးရောင်လက်သည်းများဖြင့် မိမိတို့၏မျက်နှာနှင့် ရင်ဘတ်များကို ကုတ်ဖဲ့နေကြသောလူတစ်စုအနားမှ ဖြတ်သွားတော်မူခဲ့သည်

ဂီဗသ်အတင်း အဖျင်းပြောဆိုခြင်းကို အပြင်းအထန် တားမြစ်ထားပြီး ဂီဗသ်အတင်းပြောသူကို လူသား၏ အသားကို စားသုံးသူနှင့် ခိုင်းနှိုင်းထားခြင်း။
လူတို့၏ဂုဏ်သိက္ခာကို ထိပါးစော်ကားစေသည့် ဂီဗသ်အတင်းပြောခြင်းနှင့် အလားတူပြစ်မှုများသည် ကြီးမားသောအပြစ်အကုသိုလ်များထဲမှ ဖြစ်သည်။
ဟဒီးဆ်တော်တွင် လာရှိသည့် "يخمشون" (ယခ်မိရှူန- ၎င်းတို့သည် ကုတ်ဖဲ့ကြသည်-) ဟူသော စာလုံးနှင့်ပတ်သတ်၍ အိမာမ်သွီဗီက ဤသို့ဆိုသည် - မျက်နှာနှင့် ရင်ဘတ်ကို ကုတ်ဖဲ့ခြင်းသည် သေဆုံးသူအတွက် ငိုကြွေးသော အမျိုးသမီးများ၏ လက္ခဏာတစ်ရပ် ဖြစ်သဖြင့်၊ ထိုအချက်နှစ်ချက်ကို ဂီဗသ်ပြောကာ မွတ်စ်လင်မ်များ၏ ဂုဏ်သရေကို ဖျက်ဆီးသူ၏ အပြစ်ဒဏ်အဖြစ် သတ်မှတ်ထားခြင်း ဖြစ်သည်။ ၎င်းတွင် ညွှန်ပြချက်ရှိသည်မှာ ဤအရာများသည် အမျိုးသားများ၏ အချင်းလက္ခဏာများထဲမှ မဟုတ်ဘဲ၊ အမျိုးသမီးများ၏ အဆိုးရွားဆုံးသော အခြေအနေနှင့် အကြည့်ရဆိုးဆုံးသော အချင်းလက္ခဏာများထဲမှဖြစ်ကြောင်းသိရှိရ သည်။
ဂိုင်ဗ်(အကွယ်)ကို အီမာန်သက်ဝင်ယုံကြည်ရန်နှင့် အလ္လာဟ်အရှင်မြတ်နှင့် ထိုအရှင်မြတ်၏ ရစူလ်တမန်တော်တို့ အသိပေးမိန့်ကြားခဲ့သည့်အရာအားလုံးကို အီမာန်သက်ဝင်ယုံကြည်ရန် အရေးကြီးသည်။