“သင်တို့အရင်မှာရှိခဲ့သည့် လူမျိုးစုတစ်စုတွင်အမျိုးသားတစ်ဦးရှိခဲ့သည်။ ထိုသူ၌ ဒဏ်ရာတစ်ခုရှိခဲ့၏။ ထို့နောက် သူသည် (နာကျင်မှုကို) သည်းမခံနိုင်တော့ဘဲ ဓားတစ်ချောင်းကို ယူ၍ မိမိလက်ကို ဖြတ်လိုက်၏။ ထို့နောက်(ဒဏ်ရာမှာ) သွေးမတိတ်ဘဲ သေဆုံးသွားလေ၏။ ထိုအခါ အလ္လာဟ်အရှင်မြတ် မိန့်ကြားတော်မူသည်- "ငါအရှင်မြတ်၏ ကျေးကျွန်သည် ငါအရှင်မြတ်ထက် ဦးစွာ မိမိအသက်ကို သတ်ရန် အလျင်လိုခဲ့ပေပြီ။ ထို့ကြောင့် ငါအရှင်သည် ထိုသူ့အပေါ် ဂျန္နသ်ကို ဟရာမ်အဖြစ်သတ်မှတ်တော်မူလိုက်လေပြီ။”

၁။ ဘေးဒုက္ခကို သည်းခံခြင်း၏ အကျိုးကျေးဇူးနှင့် ဝေဒနာများကို သည်းမခံနိုင်ခြင်း၊ ညည်းတွားခြင်းတို့မှ ရှောင်ရှားရန် (တိုက်တွန်းထားခြင်း။) အကြောင်းမှာ ဤသို့ ညည်းတွားခြင်းသည် လူသားအား ထိုထက်ပင် ပြင်းထန်သော ဒုက္ခသို့ ရောက်စေနိုင်သောကြောင့်ဖြစ်သည်။
၂။ လွန်လေပြီးသော လူမျိုးစုများ၏ အဖြစ် အပျက်များကို တင်ပြထားပြီး၊ ၎င်းတို့တွင် ကောင်း ကျိုးနှင့် သင်ခန်းစာများ ရှိသည်။
၃။ အိဗ်နုဟဂျရ်က မိန့်ဆိုသည်မှာ - ဤအချက်၌ အလ္လာဟ်အရှင်မြတ်၏ အခွင့်အရေးများနှင့် ဖန်ဆင်းခံသတ္တဝါများအပေါ် အရှင်မြတ်၏ ကရုဏာတော်ကို လိုက်နာခြင်း ပါဝင်သည်။ အကြောင်းမှာ အလ္လာဟ်အရှင်မြတ်သည် သူတို့၏ အသက်များကို သတ်ဖြတ်ခြင်းအား ဟာရမ်အဖြစ် တားမြစ်တော်မူခဲ့သည်။ စင်စစ် အသက်ဝိညာဥ်များသည် အလ္လာဟ်အရှင်မြတ်၏ ပိုင်ဆိုင်မှုသာလျှင် ဖြစ်သသည်။
၄။ အသက် သတ်ဖြတ်ခြင်းကို ဖြစ်စေသော အကြောင်းခံများကို အသုံးပြုခြင်းအား ဟရာမ်အဖြစ်သတ်မှတ်ထားပြီး၊ ၎င်းနှင့်ပတ်သတ်၍ ပြင်းထန်စွာ ခြိမ်းခြောက်ထားခြင်း။
၅။ အိဗ်နုဟဂျရ်က မိန့်ဆိုသည်မှာ- ထိုအချက်က သူသည် အသက်ကို သတ်ရန် ရည်ရွယ်ချက်ဖြင့် ထိုသို့(ဓားဖြင့်) ဖြတ်‌တောက်ခဲ့ခြင်းဖြစ်ပြီး၊ အများအားဖြင့် အကျိုးရှိမည်ဟု ယူဆရသော ကုသမှုရည်ရွယ် ချက်ဖြင့် မဟုတ်ကြောင်း ညွှန်ပြ သည်။