အကြင်သူသည် အလ္လာဟ်အရှင်မြတ်နှင့်တစ်စုံတစ်ရာကို ရှိရ်က် ယှဉ်တွဲကိုးကွယ်မှုမပြုဘဲ အလ္လာဟ်အရှင်မြတ်နှင့်တွေ့ဆုံခဲ့လျှင် ဂျန္နသ်သုခဘုံသို့ဝင်ရောက်ရမည်။ အကြင်သူသည် အလ္လာဟ်အရှင်မြတ်နှင့် တစ်စုံတစ်ရာအား ရှိရ်က် ယှဉ်တွဲကိုးကွယ်မှုပြု၍ အရှင်မြတ်နှင့်တွေ့ဆုံခဲ့လျှင် ဂျဟန္နမ်ငရဲဘုံသို့ ဝင်ရောက်ရမည်။

သောင်ဟီးဒ်တရား၏ ထွတ်မြတ်မှုနှင့် သောင်ဟီးဒ်တရားသည် ဂျဟန္နမ်ငရဲ၌ အမြဲထာဝရနေထိုင်ရခြင်းမှ လွတ်မြောက်စေရန်အတွက် အကြောင်းခံတစ်ခုဖြစ်ကြောင်း ဖော်ပြထားသည်။
ဂျန္နသ်နှင့် ဂျဟန္နမ် နှစ်ခုစလုံးသည် လူသားနှင့်နီးကပ်ပြီး လူသားနှင့် ထိုဌာနနှစ်ခုကြား၌ သေခြင်းတရားသာ ခြားထားသည်။
‘ရှိရ်က်‘ ဖက်စပ်ယှဉ်တွဲ ကိုးကွယ်မှုကို ရှောင်ကြဉ်မှသာ ဂျဟန္နမ်ငရဲမှ လွတ်မြောက်နိုင်မည်ဖြစ်သောကြောင့် နည်းသည်ဖြစ်စေ၊ များသည်ဖြစ်စေ ရှိရ်က်ပြုခြင်းမှ ရှောင်ကြဥ်ရန် သတိပေးတားမြစ်ထားသည်။
လုပ်ရပ်များ၏ အကျိုးဆက်သည် ၎င်း၏ နိဂုံးလုပ်ဆောင်ချက်များပေါ်တွင် မူတည်သည်။