အို-အလ္လာဟ်အရှင်မြတ် ကျွန်တော်မျိုး၏ကဗရ်အား ကိုးကွယ်ရာအဖြစ် မပြုလုပ်လိုက်ပါနှင့်။

နဗီတမန်တော်များ၊ ဝလီသူတော်စင်များ၏ ကဗရ်သင်္ချိုင်းများတွင် ရှရီအသ်တရားတော်က ခွင့်ပြုထားသည်ထက် ဘောင်ကျော်ခြင်းသည် ထိုကဗရ်သင်္ချိုင်းများကို အလ္လာအရှင်မြတ်အပြင် ခဝပ်ကိုးကွယ်ရာများအဖြစ် ပြုလုပ်လိုက်ခြင်းဖြစ်သည်။ ထို့ကြောင့် ရှိရ်က် ဖက်စပ်ယှဉ်တွဲကိုးကွယ်မှုကို ဖြစ်စေသည့် အကြောင်းခံများကို ရှောင်ကြဉ်ရန် အရေးကြီးသည်။
ကဗရ်ထဲတွင် မြှုပ်နှံထားသူသည် မည်မျှပင် အလ္လာဟ်အရှင်မြတ်နှင့် နီးကပ်သည့်ပုဂ္ဂိုလ်ဖြစ်စေ ထိုကဗရ်သင်္ချိုင်းများအား ဂုဏ်ပေးကြည်ညိုရန်၊ ထိုကဗရ်များ၌ အိဗာဒသ် ခဝပ်ကိုးကွယ်မှုပြုရန် ရည်ရွယ်ချက်ဖြင့် သွားရောက်ခြင်း မပိုင်ပေ။
ကဗရ်များပေါ်တွင် စဂ်ျဒဟ်ဦးချရာနေရာများ(ဗလီများ) တည်ဆောက်ခြင်းဟရာမ်ဖြစ်သည်။
ဗလီမဆောက်ထားလျှင်လည်း ကဗရ်သင်္ချိုင်းများတွင် ဆွလာသ်ဆောက်တည်ခြင်းသည် ဟရာမ်ဖြစ်သည်။ သို့သော် ဂျနာဇဟ် ဆွလာသ်ဝတ်မပြုဘဲမြှုပ်နှံခံရသူအား ကဗရ်တွင်သွားရောက်ကာ ဂျနာဇဟ် ဆွလာသ်ဝတ်ပြုခွင့်ရှိသည်။