ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကရုဏာကင်းဝေးမှု ကျရောက်ပါစေ။ ၎င်းတို့သည် မိမိတို့တမန်တော်များ၏ ကဗရ်သင်္ချိုင်းများကို စဂျ်ဒဟ်ဦးချရာနေရာများအဖြစ် သတ်မှတ်ခဲ့ကြသည်။

အာအိရှဟ်(ရဿွိယလ္လာဟုအန်ဟာ)နှင့် အစ်ဗ်နု အဗ္ဗာစ် (ရဿွိယလ္လာဟုအန်ဟု)တို့က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)ထံသို့ သေခြင်းတရား ဆိုက်ရောက်လာသည့်အခါ ကိုယ်တော်သည် ခြုံစောင်ကို မိမိ၏ မျက်နှာတော်ပေါ် စတင်ဖုံးအုပ်တော်မူလေသည်။ ထို့နောက်ကိုယ်တော်မြတ်သည် ကွယ်လွန်ခါနီး ဝေဒနာကြောင့် အသက်ရှုရခက်လာသည့်အခါ မိမိ၏ မျက်နှာတော်မှ ၎င်းခြုံစောင်ကို ဖယ်ရှားလိုက်သည်။ ထိုသို့ ပြင်းထန်သည့်အခြေနေမျိုး၌ မိန့်ကြားတော်မူသည်မှာ ယဟူဒီနှင့် နဆွ်ရာနီတို့အပေါ်တွင် အလ္လာဟ်အရှင်မြတ်၏ (လအ်နသ်)ကျရောက်ပါစေ။ အရှင်မြတ်၏ ကရုဏာတော်မှကင်းဝေးပါစေ။ အဘယ့်ကြောင့်ဆိုသော် ၎င်းတို့သည် နဗီတမန်တော်များ၏ ကဗရ်သင်္ချိုင်းများပေါ်တွင် ဗလီဝတ်ကျောင်းတော်များ၊ ဝတ်ပြုကိုးကွယ်ရာ အဆောက်အဦးများ ဆောက်လုပ်ခဲ့ကြသည်။ ဤကိစ္စသည် အလွန်ဆိုးရွားသည့် ကိစ္စမဟုတ်လျှင် ကိုယ်တော်သည် ထိုအခြေအနေမျိုး၌ ဤအကြောင်း ပြောဆိုမည်မဟုတ်ပေ။ သို့ဖြစ်၍ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က မိမိအွမ္မသ်နောက်လိုက်တို့အား ထိုကဲ့သို့ မပြုလုပ်ကြရန် တားမြစ်တော်မူခဲ့သည်။ အဘယ့်ကြောင့်ဆိုသော် ဤလုပ်ရပ်သည် ယဟူဒီ၊ နဆ်ွရာနီတို့၏ လုပ်ရပ်ဖြစ်ပြီး ထိုလုပ်ရပ်သည် အလ္လာဟ်အရှင်မြတ်နှင့် ရှိရ်က် ဖက်စပ်ယှဉ်တွဲကိုးကွယ်မှုသို့ ကျရောက်စေသည့် အကြောင်းခံပင်ဖြစ်သည်။