သောကြာနေ့ အိမာမ် ခွသ်ဗဟ် မိန့်ခွန်းပြောနေစဉ် သင့်နံဘေးတွင် ရှိသောသူကို ဆိတ်ဆိတ်နေပါဟု အသင်ပြောဆိုလျှင် အမှန်တကယ် အသင်သည် အချည်းနှီးကိစ္စတစ်ခုကို ပြုလုပ်လိုက်ခြင်းဖြစ်သည်။

တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် သောကြာနေ့ ခွသ်ဗဟ်ကို နားထာင်ရန် လာရောက်ကြသူများ လိုက်နာရန်အရေးကြီးသည့် စည်းကမ်းကို ရှင်းပြတော်မူခဲ့သည်။ ၎င်းမှာ တရားစကားများကို စဥ်းစားဆင်ခြင်နိုင်ရန်အတွက် တရားဟောကြားသူ၏ ခွသ်ဗဟ်ကို တိတ်ဆိတ်စွာ နားထောင်ရမည်ဖြစ်သည်။ အကြင်သူသည် အိမာမ် ခွသ်ဗဟ် မိန့်ကြားနေစဉ် စကားအနည်းအကျဉ်းမျှပင်ဖြစ်စေ ဥပမာ- မိမိနံဘေးတွင်ရှိသူကို “ဆိတ်ဆိတ်နေပါ” “ခွသ်ဗဟ် နားထောင်ပါ“ ဟူသည့်စကားမျိုးကိုပင်ဖြစ်စေ ပြောဆိုလိုက်ပါက ဂျုမုအဟ် ဆွလာသ်၏ ထွတ်မြတ်မှုမှ လက်မဲ့ဖြစ်သွားမည်ဖြစ်သည်။