ဗဒရ်စစ်ပွဲနှင့် ဟုဒိုင်ဘီယာစစ်ပြေငြိမ်းရေးစာချုပ်တွင် ပါဝင်ခဲ့သော မည်သူမျှ ဂျဟန္နမ်ငရဲသို့ ဝင်ရောက်ရမည် မဟုတ်ပေ။

ဤဟဒီးစ်တော်တွင် ဗဒရ်စစ်ပွဲနှင့် ဟုဒိုင်ဘီယာစစ်ပြေငြိမ်းရေးစာချုပ်တွင် ပါဝင်ခဲ့သူများ၏ ထူးကဲမွန်မြတ်မှုနှင့် ၎င်းတို့သည် ဂျဟန္နမ်ငရဲသို့ လုံးဝဝင်ရောက်ရမည် မဟုတ်ကြောင်း ဖော်ပြထားသည်။
အလ္လာဟ်အရှင်မြတ်သည် ၎င်းတို့အတွက် မတရားမှုများမှ အာမခံတော်မူပြီး၊ အီမာန်အပေါ်တွင် သေဆုံးနိုင်ရန် သောင်ဖီးက်စွမ်းအားပေးသနားတော်မူ၏။ ဂျဟန္နမ်ငရဲ၏အပြစ်ဒဏ်ကို မခံစားစေဘဲ ၎င်းတို့အား ဂျန္နသ်သုခဘုံသို့ ဝင်ရောက်စေတော်မူ၏။ ဤသည်မှာ အလ္လာဟ်အရှင်မြတ်၏ ကျေးဇူးတော်ဖြစ်၏။ အရှင်မြတ်သည် မိမိအလိုရှိတော်မူသောသူအား ၎င်းကို ပေးသနားတော်မူ၏။ အလ္လာဟ်အရှင်မြတ် သည် ကြီးကျယ် မြင့်မြတ်သည့် ကျေးဇူးတော်ရှင် ဖြစ်တော်မူသည်။