HadeethEnc · 1.30.0
Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye
Available translations
Choose an available translation of this Hadeeth
01
Hadeeth text
Yii a An-nawaas ɭbn Sim’aan nengẽ (Wẽnd yard be a yĩnga), tɩ yii Wẽnd Tẽn-tʋʋm nengẽ, (Wẽnd pʋʋsg la A tɩlgr be a yĩnga) t'a yeelame: «Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye». La yii a waabisa ɭbn Ma'abad nengẽ (Wẽnd yard be a yĩnga) a yeelame: m waa Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩngɑ) t'a yeele: «F waame n sokd manegr la zũnuub tʋʋm sẽn yaa bũmb ninga» tɩ m yeel tɩ n-yee, t'a yeele: « sok f sũurã, manegrã: yaa bũmb ning yõorã sẽn yõgend ne, tɩ sũurã yõgend ne wã, la zũnuubã: yaa bũmb ning sẽn rãmbd fo mengẽ wã n yood yãoogẽ wã, t'a yaa wẽnga, baa tɩ nebã sã n yeel foom tɩ sakdame la b kõ f sore. (bɩ f ra maan-a ye)».
02
Explanation
Nabiyaamã (Wẽnd pʋʋsg la A tɩlgr be a yĩnga) kõo kibare, manegr la zũnuub yelle, n yeele: tɩ manegrã sẽn tar yεl welgds tɩ yaa bεd n yɩɩda, yaa zʋg-sõng la Wẽn-zoεεg maanego, la zʋg-sõng ne bõn-naandsã, ne fo sẽn na n sak n reeg b namsgã, la f boog f gẽegã, la f yõgemd f noore, la f manegd f gom tɩ yaa gom-sõmbse, la rogem tõkre, la sak-n-tũ naana la maan bʋg-bʋge, la manegre, la vɩɩsm-n-ta-sõngo, la tũud-n-ta-sõngo. La ad manegrã, yaa sũurã la yõorã sẽn yõgneg ne bũmb ningã. La sã n yaa zũnuuba, yaa bũmb ning sẽn rãmbd fo mengẽ wã, sẽn yaa yεl-gẽdse, n be beenẽ n yood tɩ sũurã ka yalgd ne-a, tɩ sik be ne sũurã, la a yεεsdẽ t'a yaa zũnuuba, tɩ f ka rat n na n vẽneg-a ye, bala a yaa wẽng ne nin-tɩrsã la neb nins sẽn pidã, la woto yaa tɩ nebã Wẽnd naan-b lame tɩ b nong n rat tɩ nebã bãng b yεl-sõma, rẽnd yõorã sã n wa kisg n ka rat tɩ b bãng a yεl sãnda, a yaa zũnuubu, sõma ka a pʋgẽ ye, baa tɩ nebã sã n kõ-f-la sore bɩ f ra sak n reeg b goamã ye, sã n mikame tɩ gẽdgã tagmas-rãmb ket n beeme, bala b maan-foo Fatwa tɩ sakdame tɩ f maana a pa yẽesd gẽdga ye, tɩ sẽn yeta tɩ fo maan-a sã n ka togsd ne bãngre; la sã n mikame tɩ loekrã tika sãri daliili, wakat-kãngã, yaa tɩlae ne soakdã t'a lebs a menga loekrẽ wã, baa tɩ yẽnda sũurã sã n ka yalg ne tʋʋmdã.
03
Benefits
Kengdame n wilgdẽ tɩ b maan zʋg wagla, bala zʋg-sõngã a bee manegrã yel-bεdã pʋgẽ.
Sɩdã la zĩri wã b yiibã yembr ka gẽdgd ne muumin ye, rẽnd b bãngda sɩdã ne vẽenem ning sẽn be a sũurẽ wã, la a zoet n zãag zĩri-beedo n leb n kisgd-a.
Sẽn be zũnuubã tagmas pʋgẽ yaa sũurã sẽn na n yεεsd n ka rat n maan-a , tɩ yõorã kis n ka rat tɩ ned bãng-a.
A As-sindiy yeelame (Wẽnd na yols-a): yãwã yaa yel-gĩti nins nebã sẽn ka mi b welg a pʋgẽ, rẽnd sãri wã sẽn sagl bũmb ningã, baa tɩ dalill ka vẽeneg a pʋgẽ, rẽ yõsga rẽnda, bala a yaa manegre, la a sẽn leb n gɩdg bũmb ningã yaa woto bala, a yaa zũnuuba, tʋlsem ka be f sẽn na n ges sũurã ne a yõgneg ye.
B sẽn gomd ne neb nins hadiisã pʋgẽ wã, yaa Fɩtrã (rog-ne) wã sẽn yaa yɩlenga, ka neb nins sẽn rẽgem n lebg tulli, n ka leb n mi manegre la b ka kisd wẽngã ye, sã n ka bũmb ning sẽn zemsd b yõyã yamleoodã.
A At-Tiibiy yeelame (Wẽnd na yols-a): b sẽn yeel tɩ manegrã hadiisã pʋgẽ wã, b wεls-a lame ne maanã wʋsgo, rẽnd zĩis sãnda b yeelame tɩ yaa bũmb ning yõorã sẽn yõgend ne, tɩ sũurã yõgend ne wã, tɩ zĩis sãnda tɩ b yeel tɩ yaa sɩd-kũuni, la zĩis sãnda tɩ yaa bũmb ninga a sẽn pẽnegd ne Wẽnde, la kaanẽ b yeelame tɩ yaa zʋg-sõngo, la b welga zʋg-sõngã me tɩ yaa fo sẽn na n tõog f menga ne nangã la f boog gẽega, la no-yõgengo la gom-sõngo, la b fãa gillã yaa maana-rãmb sẽn pẽ taaba.
Sɩdã la zĩri wã b yiibã yembr ka gẽdgd ne muumin ye, rẽnd b bãngda sɩdã ne vẽenem ning sẽn be a sũurẽ wã, la a zoet n zãag zĩri-beedo n leb n kisgd-a.
Sẽn be zũnuubã tagmas pʋgẽ yaa sũurã sẽn na n yεεsd n ka rat n maan-a , tɩ yõorã kis n ka rat tɩ ned bãng-a.
A As-sindiy yeelame (Wẽnd na yols-a): yãwã yaa yel-gĩti nins nebã sẽn ka mi b welg a pʋgẽ, rẽnd sãri wã sẽn sagl bũmb ningã, baa tɩ dalill ka vẽeneg a pʋgẽ, rẽ yõsga rẽnda, bala a yaa manegre, la a sẽn leb n gɩdg bũmb ningã yaa woto bala, a yaa zũnuuba, tʋlsem ka be f sẽn na n ges sũurã ne a yõgneg ye.
B sẽn gomd ne neb nins hadiisã pʋgẽ wã, yaa Fɩtrã (rog-ne) wã sẽn yaa yɩlenga, ka neb nins sẽn rẽgem n lebg tulli, n ka leb n mi manegre la b ka kisd wẽngã ye, sã n ka bũmb ning sẽn zemsd b yõyã yamleoodã.
A At-Tiibiy yeelame (Wẽnd na yols-a): b sẽn yeel tɩ manegrã hadiisã pʋgẽ wã, b wεls-a lame ne maanã wʋsgo, rẽnd zĩis sãnda b yeelame tɩ yaa bũmb ning yõorã sẽn yõgend ne, tɩ sũurã yõgend ne wã, tɩ zĩis sãnda tɩ b yeel tɩ yaa sɩd-kũuni, la zĩis sãnda tɩ yaa bũmb ninga a sẽn pẽnegd ne Wẽnde, la kaanẽ b yeelame tɩ yaa zʋg-sõngo, la b welga zʋg-sõngã me tɩ yaa fo sẽn na n tõog f menga ne nangã la f boog gẽega, la no-yõgengo la gom-sõngo, la b fãa gillã yaa maana-rãmb sẽn pẽ taaba.
Attribution
[الحديث الأول: رواه مسلم، والحديث الثاني: رواه أحمد والدارمي]
Categories
Share
Share hadeeth
Sharing options · 0 Total shares