Yãmb ned fãa ra wa tees a ma-biig ne zab teed ye, bala yẽ ka mi, tõe t'a sʋɩɩtãan reeg bũmbã a nugẽ wã, tɩ yẽ tʋg n lʋɩ Bugum bokẽ

Wilgda lɩslaam zɩɩmã sẽn yaa haraamã.
Wilgdame tɩ yaa tɩlae tɩ b waoog lɩslaam, la leb n bugsdame tɩ b ra wa tʋg n bao n na n taas wẽnga ne-a ye, zem tɩ yaa ne tʋʋmde, maa yaa koεεga, sẽn be a pʋgẽ yaa sẽn na n tees-a ne kutu, maa zab-teedo, baa tɩ yaa wɩsga, bala a sʋɩtãan tõeeme n tus yẽ nugã n belg yẽnda, t'a kε a ma-biigã, maa a pʋs n tak sʋʋgã yẽ nugẽ wã t'a tʋg n kõs nedã, maa a kε-a tɩ ka tũ ne yẽnda yam-yãkr ye, la a nams a ma-biigã.
Yaa sẽn na n gɩd sabab ninga sẽn talled n tʋg n kẽes Wẽnd sẽn gɩdgã.
Yaa sẽn tar nong-kεgeng ne nin-buiidã na paam laafɩ, la leb n gũus kĩid-n-taarã nebã ne taab sʋka, la b ra wa yεεs-ba maa yɩk b pelemse, baa tɩ yaa ne teesg la bugsgu.