Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye

Nabiyaamã (Wẽnd pʋʋsg la A tɩlgr be a yĩnga) kõo kibare, tɩ ad nanams n na n wa be nebã taoore, yẽ kaalem poorẽ, n yagd gom pʋgẽ, n yet bũmb ninga b sẽn ka maande, la b wẽgd bʋʋdã pʋgẽ, rẽnd ned ning sẽn kẽ b nengẽ n sɩdg-ba b zĩri-beedã, maa a sõng-ba ne wẽgd tʋʋmde, maa wẽgd gomde, maa a gomame n kõ-b wẽgd sore, wala a sẽn na n maan fatwa n zemse, tɩ yaa sẽn na pẽneg-ba, la a tẽed sẽn be b nengẽ wã, rẽnd mam zãaga m meng n yi-a, a soab ka be ne maam, ma me ka be ne-a, a ka na n wa mam nengẽ kaoosar kʋɩlgẽ wã dũni yikr raar ye. La ned ning sẽn ka kẽ b nengẽ, la a ka sɩdg-ba, n ka sõng-ba b wẽgdã zugu, yẽ soabã bee ne maam, ma me bee ne-a, a na n waa mam kʋɩlgẽ wã dũni wã yikr raare.