B yãka wakat n kõ tõnd no-kõbd wõrsgo la nu-yẽes wõrsgo la bãgd tõsbo la pend põngre, tɩ d ra bas-b tɩ b yɩɩg yʋnd pis-naas ye

A Aš-šawkaaniy yeelame (Wẽnd na yols-a): gomd sẽn tũus yaa tɩ b geta rasem pis-naas nins Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sẽn gãnegã, rẽnd ka sõmb n zʋʋg-b ye, la ka geend tɩ ned yõsga Sũnnah tɩ f sã n bas nu-yẽesã sẽn wogl poorẽ, halɩ n tʋg n tãag wakat-kãngã ye.
A ɭbn Hʋbayra yeelame (Wẽnd na yols-a): hadiis-kãngã yẽ la tεka, tɩ f sã n na n yaoolge, la sẽn sõmb n yɩɩd yaa f yãk tɩ toadg-kãngã na n ka ta ye.
Wilgda lɩslaangã sẽn ning a toaag ne yɩlgrã la faas-teedã.
No-kõbd wõrsgo, yẽ me la b yãk kõbd nins sẽn yit yĩngr no-gãndã.
Bãgdã tõsbo yẽnda yɩta ne kõbd nins sẽn be beenẽ wã yãkre, bãmb me la sẽn be bãokã tẽngrã.
Pend põngre, yẽ me la kõbd nins sẽn yaa taok n be taoorã, rao la pag nengẽ wã.