yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã

Raoa n sok Nabiyaamã, Wẽnd pʋʋsg la A tɩlgr be a yĩnga, yell sõmbs a yiibã, sẽn maan tɩ ned kẽ arzãnã, la sẽn maan tɩ ned kẽ Bugmã ? T’a loek-a, Wẽnd pʋʋsg la A tɩlgr be a yĩnga, tɩ yell ninga sẽn kẽesd a soaba arzãnã tɩlae wã, yaa ninsaal sẽn na n maan kaalem, t’a yaa sẽn tũud Wẽnde, A Yembre, n ka maan lagem-n-taar ne-A baa fʋɩ ye, la ad yell ninga sẽn maan tɩlae n kẽes a soab Bugmẽ wã, yaa ninsaal sẽn na n ki t’a yaa sẽn maan lagem-n-taar ne Wẽnde, n maand gees-n-taaga la bils-n-taare ne Wẽnde, A tũudmã wεεngẽ, la A Wẽndlmã wεεngẽ, maa yaa A yʋɩyã wεεngẽ, maa yaa A sɩf-rãmbã wεεngẽ.