B sagla maam tɩ m zab ne nebã, halɩ tɩ b wa maan kaset tɩ soab sẽn na n tũ n tɩlg ka be ye, rẽnda Wẽnde, a Mʋhammad yaa Wẽnd Tẽn-tʋʋma, la b yals Pʋʋsgã, la b kõ Zakã

Nabiyaamã, (Wẽnd pʋʋsg la A tɩlgr be a yĩnga) kõta kibare, tɩ Wẽnd sagl-a lame t'a zab ne nebã, halɩ tɩ b wa maan kaset tɩ soab sẽn na n tũ sɩd-sɩd ka be sã n ka Wẽnd A Yembre, lagem-n-taar ka be ne-A, la b maan kaset t'a Mʋhammad, (Wẽnd pʋʋsg la A tɩlgr be a yĩnga) yaa Tẽn-tʋʋma, la b tʋm ne kaset-kãngã sẽn rat bũmb ninsã, sẽn yaa wakat a nu wã gũusg wĩndgã la yʋngã pʋgẽ, la b kõ Zak ning sẽn yaa faril n zao bãmbã, b rãmbã. Rẽnd b sã n maan yel-kãensã, ad lɩslaangã gũuda b zɩɩmã la b arzεkã, rẽnd b kʋʋb ka leb n segd ye, sã n ka mikame tɩ b wa n tʋg n maana yel-wẽnga, maa b maana tʋʋm beed sẽn sõmb n kʋ-a, sẽn zems ne sãri wã bʋʋd pʋgẽ, rẽ poorẽ dũni yikr raare, Wẽnd n na n yals ne b tʋʋmã geelgo, bala Wẽnd n mi b yel-soaandɩ wã.