B togsa Nabiyaamã nengẽ (Wẽnd pʋʋsg la A tɩlgr be a yĩngɑ) ned yelle, sẽn na n gũs yʋngo halɩ n tʋg n vẽeg beoogo, la a yeel yã: «Ad yẽnda yaa ned sʋɩɩtãanã sẽn rʋʋd a tʋb a yiibẽ wã! "Bɩ a yeelame" A tʋbrẽ wã

B kisga bas yʋngã n ka pʋʋsã, la b wilg t'a sababã yii a sʋɩɩtãan nengẽ.
B bugsdame n yit sʋɩɩtãan ning sẽn gɩt tɩ ninsaala sor fãa zugu, n rat n na n gɩdg-a n yi Wẽnd tũudmã, (A Naam yɩ wagell n zẽke).
A ɭbn Hagar (Wẽnd na yols-a) a yeelame: a sẽn yeelã: (a ka yik n pʋʋse) sẽn yaa Pʋʋsg ning fãa, toẽeme tɩ yaa Pʋʋsg sẽn yãk toore, la sẽn ratã yaa yʋngã maa faril-rãmbã Pʋʋsgo.
A At-Tiibiy (Wẽnd na yols-a) a yeelame: b welgame n yeel tɩ yaa tʋbre, baa tɩ nin a yiibã n sõmb ne gõeem, yaa sẽn na n wilg gõeemã zɩslem, bala wʋmbã yẽ la nekrã teedo, la b welga rʋʋdmã, bala yẽnda n kẽed zĩ-bogdã n yɩɩda, yẽ n leb n tat gĩinẽ wã n yɩɩda, rẽnd yẽnda n kẽesd kʋɩɩng yĩn-wilã fãa pʋgẽ.