Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) ra yɩɩme t'a sã n na n so gεnaabo, a pekda a nus a yiibã, la a yõk koom wala a sẽn na n pʋʋse, rẽ poorẽ t'a so

Nabiyaamã (Wẽnd pʋʋsg la A tɩlgr be a yĩngɑ) ra yɩɩme t'a sã n rat n na n so gεnaabo, a sɩngda a nus a yiibã pekre, rẽ poorẽ t'a yõk koom wala a sẽn na n pʋʋse, rẽ poorẽ t'a kiig koomã a yĩnga zãnga, rẽ poorẽ t'a tẽg a zugã zoobd ne a nusã, halɩ t'a sã n wa tẽed tɩ koomã taa zoobdã yẽgẽ, t'a yĩngã madg zãnga, a kiigda koomã a zugã noor a tãabo, rẽ poorẽ t'a pek a yĩngã sẽn ketã zãnga. La ʿAɑɩša yeelame (Wẽnd yard be a yĩnga) mam ra soodame, maam la Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) laok a yembr pʋgẽ, d fãa yõngda beenẽ.