Yãmb sã n na n maan we-kεεnga, bɩ y ra tees Alkiblã, ra gũd-y-yã-a y zãn-kuidgã ye, tees-y wĩndg sẽn pukdẽ maa a sẽn luɩtẽ

Nabiyaamã (Wẽnd pʋʋsg lɑ A tɩlgr be ɑ yĩngɑ) gɩdga ned ning sẽn wa n rat n na n maan we-kεεnga, zem tɩ yaa rʋʋdem maa we-kεεnga, t'a ra tees Alkiblã sẽn yaa Mak Roogã togellã ye, a ra leb n rɩk a poorã n tees-a ye, a sõmbame n kɩll n bas Alkiblã wĩntoog sẽn lʋɩtẽ maa a sẽn pukdẽ, tɩ sã n mik tɩ yẽ Alkiblã yaa wala Madiin rãmb Alkiblã. Rẽ poorẽ t'a Abʋʋ Ayʋʋba (Wẽnd yard be a yĩnga) kõ-b kibare, tɩ bãmb sẽn wa n kẽng Šaamã, b mika ko-soods sẽn me tɩ yaa we-kεεng maaneg zĩiga, la b me-b lame n tees Mak Roogã kεεngẽ, tɩ bãmb sã n kẽ bɩ b kɩlled b yĩnsã n basd Alkiblã, la sẽn lagem ne rẽ fãa gilli, b kota Wẽnd yaafa.