HadeethEnc · 1.30.0
Ad rũm-mugs-kãensã me tara zʋgdo wala we-rũmsã zʋdgo, rẽnd b sã n wa n wegme, maan-y-yã-a woto
Available translations
Choose an available translation of this Hadeeth
01
Hadeeth text
Yii a Raafɩ' ɭbn Hadiig nengẽ (Wẽnd yɑrd be ɑ yĩngɑ) a yeelame: Tõnd rag n bee ne Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ) Zul Al-hulayfa, tɩ kom paam nebã, la b paama yʋgma la rũmsi. A yeelame: la Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) rag n bee nebã poorẽ, tɩ b yãg n koode, n roglg rʋgdã, tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) kɩt tɩ b kiblg rʋdgã, rẽ poorẽ t'a pʋɩ n rɩk rũms piig n makd ne yʋgemd a yembre. Tɩ yʋgemd a yembr yi arzεkẽ wã n zoe, bɩ b bao-a n kong a yellã, la wed-moos sẽn da be nebã pʋgẽ rag n yaa bilfu, tɩ ned a yembr rɩk peemd n tão yʋgemdã, t'a yalse, rẽ poorẽ t'a yeele: «Ad rũm-mugs-kãensã me tara zʋgdo wala we-rũmsã zʋdgo, rẽnd b sã n wa n wegme, maan-y-yã-a woto», t'a Raafɩ' yeele, ad tõnd tẽedame maa d yεεsdame tɩ d na n yeka bεεbã beoogo la tõnd ka tar sʋʋs ye, rẽ yĩnga d na n kooda ne kãnkãy bɩɩ? La Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) yeel yã: «Bũmb ning sẽn wɩdem zɩɩm tɩ b yeel bismillaah, bɩ y rɩ, la ka yẽnde, maa nus-yẽes ye, la m na n kõ-y-la kibare ne yel-kãngã, sã n yaa yẽndã, yẽ yaa kõbre, la sã n yaa nus-yẽesã, ad a yaa Habaša rãmb sʋʋga».
02
Explanation
A Raafɩ' ɭbn Hadiig (Wẽnd yɑrd be ɑ yĩngɑ) kõo kibare, tɩ bãmb rag n bee ne Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ) tɩ kom paam nebã, la mikame tɩ b paama Ganiim arzεgs kɩfr-rãmbẽ wã, sẽn yaa yʋgma la rũmsi, la nebã yãgame taoor tɩ Ganiimã na n ka pʋɩ, n yãgs n koode, n rʋgl rʋgdo, taoor tɩ b na n ka kos sor Nɑbiyɑɑmã nengẽ (Wẽnd pʋʋsg lɑ A tɩlgr be ɑ yĩngɑ). La Nabiyaamã rag n kẽnda nebã poorẽ, la a sẽn wa n bãngã, a saglame tɩ b kiig bɩɩm ning sẽn be rʋgdẽ wã, rẽ poorẽ t'a pʋɩ arzεkã nebã ne taab sʋka, n rɩk rũms piig n mak ne yʋgemd a yembre, la yʋgemd yi yʋgmã wã pʋgẽ n zoe, tɩ b bao-a n konge, la wiidi wã rag n yaa bilfu, sẽn na zoe n paam-a. Tɩ ned rɩk peemd n tão-a, tɩ Wẽnd yalsg-a. Tɩ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) yeele: Ad rũm-kãensã sẽn yaa yir rũmsã, bãmb me tara zʋgd sẽn yaa weoogẽ rũmsã zʋgdo, la rũng ning sẽn wa n wila yãmb tɩ y bao a yellã n konge, bɩ y maan ne-a woto. T'a Raafɩʿ yeele: ad tõnd tẽedame tɩ d na n yeka bεεbã beoogo, la d yεεsdame, tɩ d sʋʋsã nõy na n mudame tõnd sẽn na n kood ne-ba, d leb n tara tʋlsem me n na n koode, la d ka tar sʋʋs ye, rẽ yĩnga, tõnd tõe n kooda ne kãnkaya sĩinesi la raado? La Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) yeele: bũmb ning fãa sẽn yiis zɩɩm, n wɩdm-a t'a kiig wʋsgo, tɩ b yeel Wẽnd yʋʋrã, sã n ka yẽnd la nug-yẽega, la m na n kõo yãmb sabab-kãngã: sã n yaa yẽndã, yẽ yaa kõbre, la sã n yaa nus-yẽesã, ad Habaša rãmb sẽn yaa kɩfr-rãmbã, yaa yẽ la bãmb koot ne.
03
Benefits
A vẽnegdame n wilgd Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) gãneg-m-mengã, ne a sẽn be tãpã poorẽ n kẽndã, la a sẽn gũud a sahaabsã la a sokd b yelle, la a reegd b saglsã (Wẽnd yard be b yĩnga).
Wilgdame tɩ taoor soab sõmb n zʋgla a nebã la a tãpã, bala Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) zʋgla bãmbã b sẽn yãg n maan woto wã, taoor tɩ b na n ka reeg sorã, tɩ rolbã yɩ a sẽn mong-b bũmb ningã b sẽn rag n maanã.
Wilgda sahaabsã (Wẽnd yard be b yĩnga) sẽn sak n reeg Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) saglsã ne yãgbã.
Wilgdame tɩ gɩdgame tɩ b yãk bũmb Ganiim arzεkẽ wã taoor tɩ b na n ka pʋɩ.
Wilga maan tẽeg tɩrg sẽn tʋg n yɩɩda, sã n wa tʋg n zabd ne bεεbã la kɩfr-rãmbã, bala tẽeg-tɩrga yaa sabab sẽn kõt sõngr la bεεb tõogre.
An-nawawiy (Wẽnd na yols-a) a yeelame: yir rũng sã n wegem n lebg weoogẽ rũngã, wala yʋgemde, naafo, maa wed-moɑɑga, maa pesgo, la sẽn wõnd rẽ, a lebgda bõn-tãoosdga, rẽnd b sã n tão-a n kʋ a lebgda halaale.
Wilgdame tɩ yaa tɩlae tɩ b kood rũmsã tɩ yaool n sak rɩɩbo, la rũnga b maanda sart a pʋgẽ: 1-A yɩ bũmb rɩɩb sẽn sakde. 2-A yɩ bũmb b sẽn tõe n kodge, la sã n yaa bũmb b sẽn ka tõe n kodge, yẽ bʋʋd yaa wala we-rũnga. 3-A yɩ ween-n-vɩɩgẽ rũngã, la sã n yaa koomẽ rũnga, yẽnda ka baood kodgr ye.
Kodgrã sart-rãmb nins sẽn manegã: 1- Yaa tɩ kodgdã yɩ ned sẽn sõmb n kodge, ne a sẽn na n yaa yam soaba, n yaa sẽn mi n welge, n yaa lɩslaam mɑɑ kɩtaabiy 2- Yaa a tẽeg Wẽnd yʋʋrã kodgrã sɩngrẽ. 3-Yaa tɩ bũmb ninga a sẽn tall n kodgã yɩ b sẽn tõe n tall n kodge, t'a noorã yaa noogo, a ka yɩt yẽnde, maa nug-yẽega. 4-Yaa tɩ kodgrã yɩ kodgrã zĩigẽ, tɩ kõsbã me yɩ kõsbã zĩigẽ, rũng ninga b sẽn tõe n kodgã maa b kõsã, tɩ b wãag koko-raoogã la gĩin a yiibã.
Wilgdame tɩ taoor soab sõmb n zʋgla a nebã la a tãpã, bala Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) zʋgla bãmbã b sẽn yãg n maan woto wã, taoor tɩ b na n ka reeg sorã, tɩ rolbã yɩ a sẽn mong-b bũmb ningã b sẽn rag n maanã.
Wilgda sahaabsã (Wẽnd yard be b yĩnga) sẽn sak n reeg Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) saglsã ne yãgbã.
Wilgdame tɩ gɩdgame tɩ b yãk bũmb Ganiim arzεkẽ wã taoor tɩ b na n ka pʋɩ.
Wilga maan tẽeg tɩrg sẽn tʋg n yɩɩda, sã n wa tʋg n zabd ne bεεbã la kɩfr-rãmbã, bala tẽeg-tɩrga yaa sabab sẽn kõt sõngr la bεεb tõogre.
An-nawawiy (Wẽnd na yols-a) a yeelame: yir rũng sã n wegem n lebg weoogẽ rũngã, wala yʋgemde, naafo, maa wed-moɑɑga, maa pesgo, la sẽn wõnd rẽ, a lebgda bõn-tãoosdga, rẽnd b sã n tão-a n kʋ a lebgda halaale.
Wilgdame tɩ yaa tɩlae tɩ b kood rũmsã tɩ yaool n sak rɩɩbo, la rũnga b maanda sart a pʋgẽ: 1-A yɩ bũmb rɩɩb sẽn sakde. 2-A yɩ bũmb b sẽn tõe n kodge, la sã n yaa bũmb b sẽn ka tõe n kodge, yẽ bʋʋd yaa wala we-rũnga. 3-A yɩ ween-n-vɩɩgẽ rũngã, la sã n yaa koomẽ rũnga, yẽnda ka baood kodgr ye.
Kodgrã sart-rãmb nins sẽn manegã: 1- Yaa tɩ kodgdã yɩ ned sẽn sõmb n kodge, ne a sẽn na n yaa yam soaba, n yaa sẽn mi n welge, n yaa lɩslaam mɑɑ kɩtaabiy 2- Yaa a tẽeg Wẽnd yʋʋrã kodgrã sɩngrẽ. 3-Yaa tɩ bũmb ninga a sẽn tall n kodgã yɩ b sẽn tõe n tall n kodge, t'a noorã yaa noogo, a ka yɩt yẽnde, maa nug-yẽega. 4-Yaa tɩ kodgrã yɩ kodgrã zĩigẽ, tɩ kõsbã me yɩ kõsbã zĩigẽ, rũng ninga b sẽn tõe n kodgã maa b kõsã, tɩ b wãag koko-raoogã la gĩin a yiibã.
Attribution
[B zemsa taab a zugu (A Al-Bʋẖaariy la a Muslim n reeg-a)]
Categories
Share
Share hadeeth
Sharing options · 0 Total shares