Zãma Pʋʋsg yɩɩda yãmb yembr fãa sẽn na n pʋʋs a yembre, ne yel-sõm pisi la a nu, la yʋng malεgsã la wĩndg malεgsã lagemda taaba Fagir Pʋʋsgẽ

A ɭbn Hagar yeelame (Wẽnd na yols-a): tɩ ned sẽn na n pʋʋs miisrẽ ne zama a yel-somsa yɩɩda f sẽn na n pʋʋs f zakã, maa raagẽ, zama pʋgẽ la f yembre. A ɭbn Daƙɩɩƙ Al-ʿɩɩd n yeel-a.
Be a pʋgẽ sẽn wilgd Fagirã Pʋʋsg yɩɩdlem, ne a sẽn welg tɩ malεgsã yekda taab a pʋgẽ wã.
A ɭbn Baaz yeelame (Wẽnd na yols-a): sõmba ne sɩd-kõta t'a tall nong-kεgenga n gũus Pʋʋsgã zama pʋgẽ, baa tɩ f zakã sã n zãra, sẽn na yɩl n paam keoor-kãngã sẽn yaa bedrã.
An-nawawiy (Wẽnd na yols-a) a yeelame: f sã n rat n na n tigim hadiisã togsg-rãmbã ne taaba, b sẽn yet tɩ zamã wã Pʋʋsgo, a yɩɩda ned a yembr Pʋʋsg ne dargε pisi la a nu, tɩ togsg a yembrã yeel tɩ pisi la a yopoe, sã n na n zems-b ne taaba, yaa nems a tãabo: Rẽenem: a yembre: yaa tɩ kɩɩsg ka be b yiibã ne taab sʋka, bala sẽn togs kɩdgã ka gɩdgd wʋsg ye, la sõorã raabã a ka bũmb sẽn tar maanã ʋsʋʋl Al-fɩƙh bãngdbẽ wã ye. Yiib soabã: Yaa t'a reng n togsa bilfã, rẽ poorẽ tɩ Wẽnd wilg-a (A Naam zẽk yã) tɩ yel-sõmdã paasame, t'a leb n togs rẽ. Tãab soaba: yaa tɩ zemsa pʋʋsdbã la Pʋʋsgã halhaale, tɩ yel-sõmdã sãnda tat pisi la a nu, tɩ sãnda tat pisi la yopoe, sẽn zems ne Pʋʋsgã pidbu la a gũusgu, la a yalε wã la a Wẽnd zoεεga, la zamã wã waooglem, la b yɩɩdlemã la b zɩslemã, la sẽn wõnd rẽnda. La Wẽnd n yɩɩd minim.