മുസ്ലിമായ -അല്ലെങ്കിൽ മുഅ്മിനായ- ഒരു മനുഷ്യൻ വുദൂഅ് നിർവ്വഹിക്കുകയും, തൻ്റെ മുഖം കഴുകുകയും ചെയ്താൽ തൻ്റെ രണ്ട് കണ്ണുകൾ കൊണ്ട് അവൻ നോക്കിയ എല്ലാ തെറ്റുകളും ആ വെള്ളത്തിനോടൊപ്പം -അല്ലെങ്കിൽ അതിൻ്റെ അവസാന തുള്ളിയോടൊപ്പം- പുറത്തു പോകും

വുദൂഅ് കാത്തുസൂക്ഷിക്കുന്നതിൻ്റെ ശ്രേഷ്ഠത, അത് തിന്മകൾക്ക് പ്രായശ്ചിത്തമാകും.
നന്മകളും സൽകർമ്മങ്ങളും പ്രവർത്തിക്കാൻ ജനങ്ങൾക്ക് പ്രോത്സാഹനം നൽകുന്നതിൻ്റെ ഭാഗമായി അവയുടെ പ്രതിഫലവും പുണ്യത്തിൻ്റെ വലുപ്പവും വിവരിച്ചു നൽകുക എന്നത് നബി (ﷺ) യുടെ രീതിയിൽ പെട്ടതായിരുന്നു.
മനുഷ്യൻ്റെ അവയവങ്ങളെല്ലാം തിന്മകളിൽ ചിലതിലെല്ലാം പങ്കുവഹിക്കുന്നുണ്ട്. ഈ തിന്മകളെല്ലാം ആ അവയവങ്ങളോട് ചേരുന്നതാണ്. ഏതൊരു തിന്മയിൽ നിന്ന് അവൻ പശ്ചാത്തപിച്ചു മടങ്ങുമ്പോഴും അവ അവൻ്റെ അവയവങ്ങളിൽ നിന്ന് പുറത്തു പോവുകയും ചെയ്യുന്നതാണ്.
വുദൂഇൽ ഒരേ സമയം ശാരീരികമായ ശുദ്ധിയും ആന്തരികമായ ശുദ്ധിയുമുണ്ട്. വുദൂഇൻ്റെ സന്ദർഭത്തിൽ ശരീരത്തിലെ അവയവങ്ങൾ കഴുകുമ്പോൾ ശരീരം ശുദ്ധീകരിക്കപ്പെടുകയും, ഓരോ അവയവങ്ങളിൽ നിന്നും സംഭവിച്ച തിന്മകളെ നീക്കം ചെയ്യുമ്പോൾ ആന്തരികമായ ശുദ്ധീകരണം സംഭവിക്കുകയും ചെയ്യുന്നു.